كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ل دهۆكێ ب كوژمێ‌ 10 ملیار دیناران پرۆژەیێن نوویێن خزمەتگوزاری‌ دهێنە ئەنجامدان

قایمقامێ‌ قەزا دهۆكێ‌ دیاركر كو بریار هاتیە دان كوژمێ‌ 10 ملیار دیناران چەندین پرۆژەیێن نوو یێ‌ خزمەتگوزاری ل پارێزگەها دهۆكێ‌ بهێتە ئەنجامدان.

جەهوەر عەلی عەزیز، قایمقامێ‌ قەزا ناوەندیا دهۆكێ‌ بۆ (باسنیوز) راگەهاند كو: "سەنتەرێ‌ پارێزگەها دهۆكێ‌ دگەل ناحیا زاویتە و ناحیا مانگێشكێ دێ‌ ژ هژمارەكا پرۆژەیێن خزمەتگوزاری مفادار بن ب كوژمێ 10 ملیار دیناران، دێ‌ ل ڤان جهان خزمەتێن نوو بۆ وەلاتیان هێنە پێشكێشكرن. ئەوژی پرۆژەیێن ئاڤێ و كارەبێ و شارەوانیێ. ژوانا ژی چێكرن و قیركرنا جادەیان ئەو تاخێن نوو هاتینە ئاڤاكرن، دێ‌ جادەیێن وان هێنە چێكرن و ئەو كێماسیێن بەرێ‌ نۆكە هەین دوارێ خزمەتگوزاریدا، دهێنە چارەسەركرن. ئەو تاخ و گەرەكێن چادەیێن وان نەهاتینە چێكرن دێ‌ نۆكە دەست ب چێكرنا وان هێتە كرن".

ئاشكەرا كر كو: "ریێن گوندان ژی یێن گرێدایی‌ قەزا دهۆكێ‌ و زاویتە و مانگێشكێ دهێنە چێكرن ب تایبەتی ژی ئەو گوندێن ریێن وان ژكاركەڤتین دێ‌ هێنە چێكرن. دێ‌ چەندین پرۆژەیێن ئاڤێ‌ و كارەبێ‌ وسۆلینێن دهۆكێ‌ هێنە چێكرن".

گۆتژی: "ئەڤرۆ 4/3/2021ێ‌ دێ‌ هەموو ڤەدیتنێن پرۆژان هێنە بەرهەڤكرن، دێ‌ بۆ پارێزگەها دهۆكێ‌ هێنە رەوانەكرن داكو یا پێدڤی ل سەر بهێتە ئەنجامدان، هەموو پرۆژە بكەڤنە وارێ بجه ئێنانێدا".