چۆمان.. داوا دەكرێت لە گۆمی فێڵاو پڕۆژەی گەشتیاری جێبەجێ بکرێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

چۆمان.. داوا دەكرێت لە گۆمی فێڵاو پڕۆژەی گەشتیاری جێبەجێ بکرێت

بەڕێوەبەری گەشتوگوزاری قەزای چۆمان داوا دەکات بەمەبەستی زیاتر بایەخدان بە گۆمی فێڵاو، پڕۆژەی گەشتیاریی تێدا جێبەجێ‌ بكرێت.

 لەمبارەوە هەڵگورد محەمەد، بەڕێوەبەری گەشتوگوزاری قەزای چۆمان، بە (باسنیوز)ی راگەیاند: "بەهۆی سەرەنجڕاكێشی و هەڵكەوتەی دەڤەری باڵەكایەتیی چەندین شوێنی سروشتی هەڵكەوتوون بەبێ‌ ئەوەی پڕۆژەیان تێدا جێبەجێ کرابێت، لە هەر چوار وەرزەكانی ساڵدا گەشتیاران و هاووڵاتییان ڕوویان تێ دەكەن و كاتێكی خۆشی تێدا بەسەر دەبەن".

ئەوەشی خستە ڕوو: "گۆمی فێڵاو یەكێكە لەو ناوچە گەشتیارییانەی سنوورەكەمان، بەڵام وەك دیارە ئێستا زۆربەی كار و پڕۆژەكان راگیراون و دەكرێت بخرێتە بەرنامە و پلانەوە بۆ داهاتوو، لەگەڵ ئەوەشدا داواكارین لە گەشتیاران و هاووڵاتییان كاتێك بۆ گەشت و سەیران روو لەم شوێنە دەكەن، ژینگەی ناوچەكە بپارێزن".

گۆمی فێلاو دەكەوێتە دەڤەری باڵەكایەتی لە سنووری قەزای چۆمان، بە دووریی نزیكەی 160 كیلۆمەتر لە باكووری رۆژهەڵاتی هەولێر هەڵكەوتووە و یەكێكە لە شوێنە سەرنجڕاكێشەكانی هەرێمی كوردستان، لە هەموو وەرزەكانی ساڵدا هاووڵاتیان و  گرووپە گەشتیارییەكان ڕووی تێدەكەن.