ئەمڕۆ سێشەممە دوو كڵێسای ناو شاری بەغدای پایتەختی فیدراڵیی عێراق داخران، ئەمەش وەك بەشێك لە ئامادەكارییەكانی پێشوازیكردنە لە پاپای فاتیكان.
میدیاكانی عێراق بڵاویان كردەوە ئەمڕۆ دەرگاكانی هەردوو كڵێسای سەیدە نەجات و مار یوسف لە بەغدا داخران.
پێش داخستنیان، هەردوو كڵێساكەی گەڕەكی كەرادەی بەغدا پاك كراونەتەوە، بۆ ئەوەی ڕۆژی پێنجی ئەم مانگە لە پێشوازی پاپا فرانسیسی فاتیكاندا بن.
جێی باسە ئاسایشی بەغدا و عێراق بە گشتی لەم چەند هەفتەیەی رابردوودا لەوپەڕی باشیدا نییە و مەترسی زۆری ئاسایشی لەبارەی سەردانەكەی پاپای فاتیكان لەئارادایە.