خیانەتەكانی لاهوور جەنگی و ١٦ی ئۆكتۆبەر چەند لەسەر خەڵكی كوردستان كەوتووە؟
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

خیانەتەكانی لاهوور جەنگی و ١٦ی ئۆكتۆبەر چەند لەسەر خەڵكی كوردستان كەوتووە؟

 

لاهوور جەنگی، سەردەستەی تاقمی خۆفرۆشی ١٦ی ئۆكتۆبەر، بە خیانەتەكانی، زیانێكی گەورە لە خەڵكی كوردستان دەدات، بەڵام پرسیار دەكرێت ئاخۆ ئەو خیانەتانە چەند لەسەر خەڵكی كوردستان كەوتون؟

لەو كاتەوەی لاهوور جەنگی تاقمێكی خۆفرۆشی پێكهێناوە، چەندان خیانەتیان ئەنجام داوە كە دیارترینیان ١٦ی ئۆكتۆبەر و فرۆشتنی كەركووك و ناوچە كوردستانییەكان بە میلیشیاكانی عێراق بوە.

لەمبارەیەوە د. فەرهاد كەركوكی، ئەندامی ئەنجوومەنی سەركردایەتیی كەركووك - گەرمیانی پارتی بە (باسنیوز)ی راگەیاند: ”لاهوور جەنگی لە پێناو سڵاوێكی ئاغاکانی، که‌رکووکی فرۆشت، بەم خیانەتەش كە لە ١٦ی ئۆكتۆبەری ٢٠١٧ كراوە، تاوەكوو ئێستا هه‌موو رۆژێک گه‌لی کوردستان زەرەر دەكات، هەم پارە و داهاتی كوردستان دەچێتە گیرفانی داگیركەرانەوە، هەم خاكی كوردستان تەعریب دەكرێت و خەڵكی كوردستان لە ناوچە كوردستانییەكان مافەكانی پێشێل دەكرێت“.

ئەوەشی ڕوون كردەوە كە زیانەكانی خیانەتەكەی لاهوور هێندە گەورە بوون كە ئێستا خۆی ڕووی ئەوەی نییە بچێتە نێو خەڵكی كەركووك، چونكە دەزانێت چ گۆبەندێكی ناوەتەوە.

لاهوور جەنگی هەر تەنیا بە فرۆشتنی كەركووك زیانی لە خەڵكی كوردستان نەداوە، بەڵكوو بە تێوەگلانی براكانی لە كوشتنی ڕۆژنامەنووسان ئامانج بابانی و لانەی هاوسەری و منداڵەكەیان، هەروەها بە ڕادەستكردنەوەی مستەفا سەلیمی بە ئێران و لەسێدارەدانی، بە قاچاخچێتیی سەدان ملیۆن دۆلاریی مانگانەی تاقمەكەی لە مەرزەكانی سنووری سلێمانی و دەیان كاری دیكەی نایاسایی و خۆفرۆشی، زیانی بە خەڵكی هەرێمی كوردستان داوە كە ئەگەر دامەزراوەیەكی تایبەتمەند بە وردی ئاماری ئەو زیانانە ڕێك بخات، مانگانە سەدان ملیۆن دۆلار دەبێت.