ل دهۆكێ‌ رێژا هاتنا گەشتیاران بەرەڤ زێدەبوونێ‌ دچیت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ‌ رێژا هاتنا گەشتیاران بەرەڤ زێدەبوونێ‌ دچیت

پەیڤدارێ‌ رێڤەبەریا گشتی یا گەشتوگوزارێ‌ ل پارێزگەها دهۆكێ‌ دیار كر كو رۆژ دووڤ رۆژێ هاتنا گەشتیاران بۆ پارێزگەها دهۆكێ‌ بەرەڤ زێدەبوونێ یە. بتنێ‌ هەیڤا بۆریدا 32 هزار گەشتیاران قەستا دهۆكێ‌ كرینە.

رێوار محەمەدڕەشید، پەیڤدارێ‌ رێڤەبەریا گشتی یا گەشتوگوزارێ‌ ل پارێزگەها دهۆكێ‌ بۆ (باسنیوز) راگەهاند كو: "پشتی حكومەتا عێراقی ژبەر ڤایرۆسێ‌ كۆرۆنایێ‌ قەدەغەیا هاتنوچوونێ‌ راگەهاندی،‌ هەتا رادیەكێ‌ كارتێكرن ل گەشتوگوزاریا دهۆكێ‌ هاتیە كرن. ئەڤە دەمەكێ‌ دا بەرێ‌ چەند رۆژان پتر ژ هزار و 500 گەشتیاران دئێك رۆژێ دا ژ پارێزگەهێن ناڤەراست وژێریا عێراقێ هاتینە ناڤ دهۆكێ‌ دا، لێ‌ هەكە هات هەر بریارەكا ژلایێ‌ وەزارەتا ساخلەمیێ‌ دگەل وەزارەتا نافخۆیا هەرێما كوردستانێ‌ و ئیدارا دهۆكێ‌ دەربچت پێخەمەت پاراستنا گیانێ‌ وەلاتیان  وگەشتیاران ژ ڤایرۆسێ‌ كۆرۆنایێ،‌ ئەم وەكو رێڤەبەریا گشتی یا گەشتوگوزارێ‌ پێگیریێ‌ پێ‌ كەن".

ئاشكەرا كر كو: "پتر ژ 10 هزار كەس ل بنگەهێن گەشتیاری یێن دهۆكێ‌ كار دكەن ونێزیكێ‌ 900 بنگەهێن گەشتیاری‌ یێن مۆلەتدایی ل دهۆك هەنە وجهێن ڤەحەواندنا 15 هزار گەشتیاران دئێك شەڤێدا ل دهۆكێ‌ هەیە و110 ئوتێل وموتێل وكومەلگەهێن گەشتیاری هەنە گەشتیاران دحەوینن".