کەرکووک.. چەند ڕۆژێکە بە بڕیاری پارێزگاری سەپێندراو ڕووخاندنی خانووی هاووڵاتیانی کورد بەردەوامە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

کەرکووک.. چەند ڕۆژێکە بە بڕیاری پارێزگاری سەپێندراو ڕووخاندنی خانووی هاووڵاتیانی کورد بەردەوامە

ماوەی دوو رۆژە لەسەر یەك خانووی هاووڵاتییانی كوردی گەڕەكێكی شاری کەرکووک لەسەر بڕیاری پارێزگاری سەپێندراوی كەركووك دەڕووخێندرێن و پرۆسەکە بەردەوامە.

ئیسماعیل كەریم، هاووڵاتییەكی دانیشتووی گەڕەكی ئینزیباتخانەی كۆنی شاری كەركووكە، بە (باسنیوز)ی ڕاگەیاند، ئەمڕۆ سێشەممە 23/2/2021، جارێكی تر لەلایەن دەسەڵاتدارانی كەركووكەوە دەست كرا بە رووخاندنی خانووەكانی گەڕەكی ئینزیباتخانەی كۆنی شاری كەركووك و هەروەها دوێنێش بەهەمان شێوە چەند خانوویەكی تری هاووڵاتییانی كوردیان ڕووخاند.

گوتیشی، رۆژی پێنجشەممەی رابردوو، پۆلیس و لیژنەی قایمقامییەتی ناوەندی كەركووك هاتن و گوتیان دەبێت هەر ئەم خانووانە چۆڵ بكەن، بەپێچەوانەوە دەیانڕووخێنین، واتا ئەوان ڕژدن لەسەر ئەوەی هەر هەموو خانووەكان بڕووخێنن.

گەڕەكی کۆنی ئینزیباتخانەی شاری كەركووك ئەو خانەوادە کوردانەی لێ دەژین کە لە سەردەمی دەسەڵاتی بەعسی ڕووخاودا، ئاوارەی هەرێمی كوردستان بوونە و دوای ساڵی 2003 گەڕانەوە شارەكەی خۆیان لەو شوێنە خانوویان كرد و پێش ڕووداوەكانی 16ی ئۆكتۆبەری 2017 و لەلایەن ئیدارەی ئەو كاتەی كەركووكەوە هیچ كێشەیەكیان بۆ دروست نەكراوە، بەڵام ئێستا بەبیانووی نەبوونی تاپۆ هەوڵی رووخاندنی تەواوی خانووەکانی گەڕەکەکە دەدرێ.