شوێنی هەڵدانی مووشەكەكانی ئەمشەوی ناوچەی سەوز ئاشكرا بوو
پێش کەمێک، فەرماندەیی ئۆپەراسیۆنەكانی بەغدا شوێنی هەڵدانی ئەو مووشەكانەی ئاشكرا كرد كە ئەمشەو ناوچەی سەوزی بەغدا و ناوچەی حارسیەیان كردە ئامانج.
بەپێی راگەیاندراوێكی فەرماندەییەكە، ئەمشەوی دووشەممە سێ مووشەك لە ناوچەی حەی ئەلسەلام ناسراو بە "ئەلتۆبجی" هەڵدراون، دووانیان لە ناوچەی سەوز كەوتوونەتە خوارەوە و یەكێكیان لە ناوچەی حارسیە.
كەوتنە خوارەوەی مووشەكەكان بووە هۆی زیانگەیاندن بە چوار ئۆتۆمبێلی هاووڵاتییان.
