گەشتی گرووپی شاخەوانیی قەڵادزێ بۆ زنجیرە چیاکانی قەندیل
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

گەشتی گرووپی شاخەوانیی قەڵادزێ بۆ زنجیرە چیاکانی قەندیل

گرووپی شاخەوانیی قەڵادزێ کە ماوەی ساڵێکە دامەزراوە و جیاوازیی ئەو گرووپە لە گرووپەکانی دیکە ئەوەیە کە لە کاتی گەشتەکانیدا بەڕوو دەچێنن و کچانی شارەکەش ڕۆڵێکی کارایان لە چالاکی و گەشتە شاخەوانییەکانی گرووپەکەدا هەیە.

محەمەد چاوشین، ئەندامی دامەزرێنەری گرووپەکە، بە (باسنیوز)ی راگەیاند:  "دوێنێ گرووپەکەمان لە گەشتی ھەفتانەی خۆیدا بۆ شاخەوانی زنجیرە چیاکانی بناری قەندیل و مامەندەمان ھەڵبژارد و لە کەشێکی بەفراویدا گەشتێکی شاخەوانیمان کرد، ھەر جارێک لە گەشتەکانماندا چالاکیمان دەبێت و زۆر جار بەڕوو دەچێنین، لە ھەر گەشتێکیشماندا ژینگە ئەو ناوچەیە پاک دەکەینەوە کە  گەشتی بۆ دەکەین".

ڕاشی گەیاند: "ئەوەى مایەى خۆشحاڵییە، لە چوارچێوەى گرووپى شاخەوانیى قەڵادزێدا، ژمارەیەکى زۆر لە کچانى شارەکە بەشدارن و خاوەنى توانایەکى جەستەیى، دەروونى و هزریى زۆر باشن و هەموویان خەڵکى تێگەیشتوو و پێگەیشتوون، ژمارەی ئەندامانیشمان بەپێی گەشتەکان دەگۆڕێت

محەمەد چاوشین گوتیشی: "هەر کەسێک ئارەزووی شاخەوانیى هەبێت، دەتوانێت ببێتە ئەندام لە گرووپەکەماندا، بەڵام پێویستە تواناى جەستەیى و دەروونیى باش بێت و ڕێز لە ژینگەى کوێستانەکان بگرێت، کەلوپەل و پێداویستییەکانى وەرزشى شاخەوانی هەبێت، گیانى هاوڕێیەتى و تەبایى ناو گروپەکە بپارێزێت، بە بڕیارەکانى گرووپەکەوە پابەند بێت".