غەفوور مەخموورى لە هەولێر دوو کتێبی خۆی بڵاو کردەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

غەفوور مەخموورى لە هەولێر دوو کتێبی خۆی بڵاو کردەوە

 دوانیوەڕۆى پێنجشەممە 18ی 2 ی2021 لە شارى هەولێر، غەفوور مەخمووری نووسەر و سكرتێری گشتیی یەکێتیی نەتەوەیی دیموکراتی کوردستان (YNDK) لەلایەن (کتێبخانەى ئاشتى)یەوە میوانداری كرا و لە ڕێوڕەسمەکەدا دوو کتێبى چاپکراوى خۆى ناساند و پێشكەشى ئامادەبوانی كرد.

لە کۆڕەکەدا کە کۆمەڵێک نووسەر و ڕۆشنبیر ئامادە بوون، نووسەر غەفوور مەخمووری باسێکی لەبارەی هەردوو کتێبەکەی پێشکەش کرد کە یەکیان بە زمانی عەرەبییە و ئەوی دیکەشیان بە زمانی کوردییە و لە کۆتایی کۆڕەکەدا کتێبەکە بەسەر ئامادەبواندا دابەش کرا.

کتێبى یەکەم بەناوی (هەگبەى مەخموورى) کە بریتییە لە کۆى بەرهەمە ئەدەبى و رۆشنبیرییەکانی نووسەر لە بوارەکانى لێکۆڵینەوەى ئەدەبى و رۆشنبیرى و فۆلکلۆر، هەروەها کتێبى دووەم کە بە زمانی عەرەبییە بەناوی (بصراحة) و گوڵبژێرێکى چاوپێکەوتن و دیدارە رۆژنامەوانییەکانی نووسەرە بۆ رۆژنامە و گۆڤارو دەزگاکانى راگەیاندنى ناوخۆ و عەرەبى و بیانى، کە خوێندنەوەیەکە بۆ واقیعى سیاسیى کوردستان لە سى ساڵى رابردوودا".

لە کۆتایی كۆڕەكەدا هەدوو کتێبی (هەگبەی مەخمووری و بصراحة) لەلایەن نووسەرەوە پێشەکش بە ئامادەبووان کرا.