پەرلەمانتارێكی HDP بە دوو ساڵ و نیو بەندکردن حوکم درا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

 پەرلەمانتارێكی HDP بە دوو ساڵ و نیو بەندکردن حوکم درا

پەرلەمانتارێكی سەر بە پارتی دیموكراتی گەلان (HDP) بە تۆمەتی ئەندامەتی لە رێكخراوێکی سەر بە PKK، لەلایەن دادگای ١٦ی تاوانەكانی توركیاوە سزای دوو ساڵ نیو بەندکردن حوکم دراوە و بەو هۆیەشەوە مافی پەرلەمانتاریی لێ دەسەندرێتەوە.

عومەر فاروق گەرگەرلیئۆغلۆ پەرلەمانتاری HDP، تۆمەتی ئەوەی دراوەتە پاڵ بە نهێنی سەر بە PKKیە و پروپاگندەیان بۆ دەكات، بۆیە دادگا سزای دوو ساڵ و نیو زیندانی بۆ بڕییەوە.

بڕیارەكە رەوانەی پەرلەمانی توركیا كراوە و دوای ئەوەی خوێندنەوە بۆ بڕیارەكە دەكرێت، ئیدی عومەر فاروق گەرگەرلیئۆغلۆ مافی پەرلەمانتاریی لێ دەسەندرێتەوە و رەوانەی زیندان دەكرێت.

گەرگەرلیئۆغلۆ لە پێگەی خۆی لە تۆڕی کۆمەڵایەتیی (تویتەر) ڕەخنەی لەو بڕبارەی دادگا گرتووە و نووسیویە: "بڕیارەكە تەواو سیاسییە و یاسایی نییە و دووشەممە قسەی خۆم دەبێت".

بە گوێرەی مادەی ٨٤ی دەستووری توركیا، هەر پەرلەمانتارێك لە لایەن دادگاوە سزای بەسەردا بسەپێندرێت و سزاكەی بەندکردن بێت بۆ ماوەی یەک ساڵ پەرلەمانتاریی لێ دەسەندرێتەوە.