بەریتانیا پرۆژەیەک لەبارەی وڵاتە هەژارەکان دەدات بە ئەنجومەنی ئاسایش
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەریتانیا پرۆژەیەک لەبارەی وڵاتە هەژارەکان دەدات بە ئەنجومەنی ئاسایش

شانشینی بەریتانیای یەکگرتوو پرۆژەیەک لەبارەی پێکوتەی دژەکۆرۆنا دەدات بە ئەنجومەنی ئاسایشی نێودەوڵەتی.

ئاژانسی (فرانس پرێس) بڵاوی کردووەتەوە، کە بەریتانیا رۆژی پێنجشەممە 18-2-2021 پرۆژەکەی داوە بە هەر 14 ئەندامەکەی دیکەی ئەنجومەنی ئاسایشی نێودەوڵەتی.

بەپێی پرۆژەکە، بەریتانیا داوا دەکات وڵاتانی گەورە و دەوڵەمەند پێکوتەی دژەکۆرۆنا بۆ وڵاتانی هەژار دابین بکەن.

پێشتر دۆمینیک راپ، وەزیری دەرەوەی بەریتانیا رای گەیاندبوو، نزیکەی 160 ملیۆن مرۆڤ لە جیهاندا لە ناوچەی ناکۆکی لەسەرەکان و شەڕەکان دەژین و مەترسیی پێنەگەیشتنی پێکوتەی دژکۆرۆنایان لەسەرە.

ئەنجومەنی ئاسایشی نێودەوڵەتی، کە سەر بە نەتەوە یەکگرتووەکانە، لە پێنج وڵاتی هەمیشەیی (ئەمەریکا، فەرەنسا، بەریتانیا، چین و رووسیا) و 10 وڵاتی ناهەمیشەیی، کە دوو ساڵ جارێک دەبنە ئەندام، پێک دێت.

پەتای کۆرۆنا لە کۆتایی ساڵی 2019 لە شاری وهان لە چین سەری هەڵدا و تا ئێستا 111 ملیۆن و 291 هەزار و 735 کەس لە سەرانسەری جیهان تووشی بوونە و لەو ژمارەیەشدا، دوو ملیۆن و 465 هەزار و 543 کەس گیایان لەدەست داوە.