ساخلەمیا دهۆكێ ئاگەهداریا وەلاتیان دكەت
بەرپرسێ راگەهاندنێ ل رێڤەبەریا گشتی یا ساخلەمیا پارێزگەها دهۆكێ دیار كر: "ئەڤرۆ 19/2/2021ێ، ساخلەمیا دهۆكێ ل سەر ڤەكرنا دوو دەزگەهیێن ساخلەمیا ئاگەهداریا وەلاتیان دكەت.
حەمزە رەزیكی، بەرپرسێ راگەهاندنێ ل رێڤەبەریا گشتی یا ساخلەمیا پارێزگەها دهۆكێ بۆ (باسنیوز) راگەهاند كو: "ژڤانە سوبەهێ دوو دەزگەهێن ساخلەمیی پشتی بۆ دەمەكێ هاتینە تەرخانكرن بۆ خزمەتێن كۆرۆنایێ جارەكا دێ دوو دەزگەهێن ساخلەمیێ پێشوازیێ ل نەخۆشان كەن ئەوژی نەخۆشخانا ئازادی یا فێركرنێ ل دهۆكێ ب هەموو پشكێن خۆڤە دێ كەفتە دخزمەتا نەخۆشان دا هەروەسا ژی بنگەهێ بارزان یێ ساخلەمیێ پشتی پشكنینێن كۆرۆنایێ ژێ هاتینە ڤەگوهاستن دێ وەكو بەرێ كەڤتە دخزمەتا نەخۆشان دا".
ئاشكەرا كر: "هەموو نەخۆشێن تووشی پەنچەشێرێ بووین ئەوژی دێ سوبەهێ قەستا سەنتەرێ نەخۆشیێن پەنچەشێرێ دناڤ نەخۆشخانا ئازادی یا فێركرنێدا كەن بۆ وەرگرتنا چارەسەریێ و هێڤدارێن وەلاتیێ دەمێ قەستا دەزگەهیێن ساخلەمیێ دكەن رێنمایێن خۆ پاراستنی ژ كۆرۆنایێ ل بەرچاڤ بگرن و پێگیریێ هەموو رێنمایان بكەن".
