شاناز زاهیر و نەوید زەردی گۆرانییەكی دوێت بڵاو دەكەنەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

شاناز زاهیر و نەوید زەردی گۆرانییەكی دوێت بڵاو دەكەنەوە

شاناز زاهیر و نەوید زەردی هەردوو گۆرانیبێژی كورد، بەمزوانە نوێترین گۆرانیی خۆیان بە شێوەی دوێت بە ناوی (شەرم مەكە) بڵاو دەكەنەوە.

شاناز، كە بە ناسناوی هونەریی لۆكەیە، لە هەژماری تایبەتیی خۆی لە تۆڕی كۆمەڵایەتیی (ئینستاگرام) ژمارەیەك وێنەی خۆی و نەویدی بڵاو كردووەتەوە و نووسیویەتی: "ڕێکەوتی 2021/2/25 گۆرانیی دوێتی شەرم مەكە كە نەوید تێكست و ئاوازەكەی ئامادە كردووە بڵاو دەكەینەوە".

گۆرانییەكە یەكێكە لە تڕاكەكانی ئەلبوونی (فڕین) كە شاناز ماوە ماوە گۆرانییەكان لە تۆڕە كۆمەڵایەتییەكاندا بڵاو دەكاتەوە.

لۆكە، كە ناوی ڕاستەقینەی  شاناز زاهیر، پێشتر هەڵكەوت زاهیر ئاوازدانەری كورد كاری هونەری بۆ دەكرد، بەڵام چەند ساڵێكە لەگەڵ ئەودا كار ناكات، خاوەنی ژمارەیەك ئەلبوومی گۆرانی و ڤیدیۆ كلیپە.