وه‌زاره‌تی ده‌ره‌وه‌ی توركیا: هێرشه‌كه‌ی سه‌ر هه‌ولێر به‌توندی شه‌رمه‌زار ده‌كه‌ین
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وه‌زاره‌تی ده‌ره‌وه‌ی توركیا: هێرشه‌كه‌ی سه‌ر هه‌ولێر به‌توندی شه‌رمه‌زار ده‌كه‌ین

"هه‌رچی زووه‌ ئه‌نجامده‌رانی هێرشه‌كه‌ی سه‌ر هه‌ولێر ده‌ستگیر بكرێن"

 وه‌زاره‌تی ده‌ره‌وه‌ی توركیا له‌ به‌یاننامه‌یه‌كدا، سه‌ركۆنه‌ی هێرشه‌كه‌ی سه‌ر هه‌ولێر ده‌كا و داوا ده‌كا هه‌رچی زووه‌ ئه‌نجامده‌رانی كاره‌كه‌ ده‌ستگیر بكرێن و سزا بدرێن.

ئه‌مڕۆ سێشه‌ممه‌ 16/2/2021،  وه‌زاره‌تی ده‌ره‌وه‌ی توركیا له‌ به‌یاننامه‌یه‌كدا، هێرشه‌ مووشه‌كییه‌كه‌ی سه‌ر هه‌ولێر به‌توندی شه‌رمه‌زار ده‌كا و هیوای چاكبوونه‌وه‌ بۆ بریندارانی هێرشه‌كه‌ ده‌خوازێ و پرسه‌ و سه‌ره‌خۆشیی خۆی بە كه‌سوكاری قوربانییه‌كه ش‌  ڕاده‌گه‌یه‌نێ.

له‌ به‌شێكی به‌یاننامه‌كه‌دا داوا ده‌كا کە هه‌رچی زووه‌ ئه‌وانه‌ی له‌ پشت هێرشه‌كه‌وه‌ن و ئه‌نجامده‌رانی كاره‌كه‌ دیاری و ده‌ستگیر بكرێن و سزا بدرێن.

له‌ به‌یاننامه‌ی وه‌زاره‌تی ده‌ره‌وه‌ی توركیادا ئاماژه‌ به‌وه‌ش كراوه‌ کە ئامانجی هێرشه‌كه‌ تێكدانی ئارامی و سه‌قامگیریی عێراقه‌ و داواش ده‌كا به‌هیچ شێوه‌یه‌ك نه‌رمی به‌رانبه‌ر هیچ ڕێكخراوێكی تیرۆریستی نه‌نوێنرێ و ده‌زگا نه‌ته‌وه‌ییه‌كانیش به‌هێز بكرێن.