ژوورا بازرگانی ل دهۆكێ‌: ژبەر ئاسانكاریێن حكومەتێ لڤینا بازرگانی گەلەك باشتر بوویە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ژوورا بازرگانی ل دهۆكێ‌: ژبەر ئاسانكاریێن حكومەتێ لڤینا بازرگانی گەلەك باشتر بوویە

سەرۆكێ‌ ژوورا بازرگانی و پیشەسازییا پارێزگەها دهۆكێ‌ دیار كر كو حكومەتا هەرێما كوردستانێ‌ ئاسانكاریێن باش بۆ ئەنجامدانا كارێ‌ بارزگانی كرینە. ئەڤە بوویە ئەگەر رەوشا بازرگانی باشتر بیت. ئەڤ سالە رەوشا بازرگانی گەلەك باشتربوویە ژ سالا بۆری.

شێخ ئەیاد حەسەن، سەرۆكێ‌ ژوورا بازرگانی و پیشەسازییا پارێزگەها دهۆكێ‌ بۆ (باسنیوز) ئاشكەرا كر كو: "پشتەڤانیەكا باش بۆ كەرتێ بازرگانی هاتیە كرن، گەلەك ئاسانكاری‌ بۆ بازرگانان ژلایێ‌ حكومەتا هەرێما كوردستانێ‌ ڤە هاتینە ئەنجامدان. ئەڤە بوویە ئەگەر بزاڤا بازرگانی خورت بیت. نۆكە لڤینا بازرگانی گەلەك زێدەتر بوویە  ژ سالا بۆریدا. ئەم پیشبینی دكەین ئەڤ سالە لڤینا بازرگانی گەلەك باشتر بیت. نۆكە بەرهەمێن بازرگانێن كوردستانێ‌ دچیتە هەموو پارێزگەهێن عێراقی. نۆكە دگەل توركیا رەوشا بازرگانی گەلەك باشە رۆژ بۆ رۆژێ باشتر دبیت".

ئەیاد حەسەن، گۆت: "رەەشا بازرگانی رۆژ دووڤ رۆژێ بەرەڤ باشبوونێ‌ ڤە دچیت. بازرگان رێیا گومركا ئیبراهیم خەلیل كەرەستێن خارنێ‌  وڤەخارنێ‌ وناڤمالێ بەرەدەوام ژ توركیا دهێنە هەرێما كوردستانێ‌ دا بۆ هەموو پارێزگەهێن عێراقی رەوانەدكەن. ئەڤە بوویە ئەگەر لڤینا بازرگانی ئەڤ سالە گەلەك باشتر بیت".