لە کەلار گۆڕێکی شوێنەواری دۆزرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە کەلار گۆڕێکی شوێنەواری دۆزرایەوە

لە شاری كەلاری ناوەند ئیدارەی گەرمیان لە چوارچێوەی گەڕان و پشكنین بۆ شوێنەوارە دێرینەكان لە نزیك سەنتەری بازاڕی شارەكە، گۆڕێكی دێرین دۆزرایەوە کە مێژووەکەی بۆ دوو هەزار ساڵ پێش دەگەڕێتەوە.

ساڵح محەمەد، جێگری بەڕێوەبەری بەڕێوەبەرایەتیی شوێنەواری گەرمیان، ئەمڕۆ سێشەممە 16ی 2ی2021، بە (باسنیوز)ی ڕاگەیاند: "لەلایەن تیمەكانی بەڕێوەبەرایەتیی شوێنەواری گەرمیان و لە چوارچێوەی گەڕان و پشكنین بۆ شوێنەوارە دێرینەكانی نزیك بازاڕی كەلار لەم رۆژانەدا، شوێەواری گۆرێكی كۆن دۆزراوەتەوە."

گوتیشی: "مێژووی ئەو شوێنەوارە بۆ دوو هەزار ساڵ لەمەوبەر دەگەڕێتەوە."

جێگری بەڕێوەبەی شوێنەواری گەرمیان ڕاشی گەیاند: "بەپێی زانیارییەکان مێژووی ئەو شوێنەوارە بۆ سەردەمی ئەشكانییەكان دەگەڕێتەوە و بڕیارە پاش پشكنینی تەواو ببرێتە مۆزەخانەی شارستانیی گەرمیان."