شێخان.. پێنج هزار دونه‌مێن ئه‌ردى ب پتاتا هاتینه‌ چاندن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

شێخان.. پێنج هزار دونه‌مێن ئه‌ردى ب پتاتا هاتینه‌ چاندن

ل سنورێ قه‌زا شێخان و پشكه‌كا ده‌شتا ناف كۆرێ ل قه‌زا به‌رده‌ره‌ش رێژه‌كا زۆر ئه‌رد ب چاندنا پتاتا هاتیه‌ چاندن و كۆ ساڵانه‌ رێژا چاندن و به‌رهه‌مئینانێ ل ده‌ڤه‌رێ زێده‌ دبیت.

نه‌جمه‌دین عه‌بدوڵا ، رێڤه‌به‌رێ چاندنا شێخان بۆ (باسنیوز) راگه‌هاند: "ساڵانه‌ ل سنورێ قه‌زا شێخان چاندنا پتاتا زێده‌ دبیت پار ساڵ نیزیكى چار هزارو 500 دوونه‌ما ئه‌رد هاتبوو چاندن ب پتاتا به‌لێ ئه‌ڤساڵه‌ رێژا چاندنێ زێده‌بوویه‌ و پێشبینى دكه‌ین كۆ به‌رهه‌مێ وێ ژى زۆر زێده‌ بكه‌ت".

گوتژى: "جوتیارێن ده‌ڤه‌را شێخان گرنگیه‌كا باش دایه‌ كه‌رتێ چاندنێ ب گشتى و پتاتا ب تایبه‌تى ئه‌ڤساڵه‌ هه‌تا 5 هزار دوونه‌مێن ئه‌ردى ب پتاتا هاتینه‌ چاندن".

ئاشكراكر: "چه‌ندین جۆرێن پتاتا هه‌نه ‌و هنده‌ك جۆر هه‌نه‌ هه‌ر ته‌نه‌كا پتاتا 25 ته‌ن پتات به‌رهه‌مێ وێیه‌ هنده‌ك ژى ل 15 ته‌ن بۆ 20 ته‌نایه‌ ، ب گشتى ل سنورێ قه‌زا شێخان و ناحیێن ده‌ردور دهێنه‌ پتان ب رێژه‌كا باش هاتینه‌ چاندن و چاڤه‌رێ به‌رهه‌مه‌كێ باش دكه‌ین پتر ژ پار ساڵ".