چۆمان.. چەند پڕۆژەیەكی گەشتیاری لە ناحیەی گەڵاڵە جێبەجێ‌ دەكرێن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

چۆمان.. چەند پڕۆژەیەكی گەشتیاری لە ناحیەی گەڵاڵە جێبەجێ‌ دەكرێن

بەڕێوەبەری ناحیەی گەڵاڵە دەڵێت بەمەبەستی جێبەجێکردنی چەند پڕۆژەیەكی گەشتیاری لە سنوورەكە لیژنەیەكی گەشتوگوزاری بۆ دیاریكردنی شوێنی پرۆژەکان، سەردانیان كردووین بۆ.

 حەیات عیسا زراری، بەڕێوەبەری ناحیەی گەڵاڵە سەر بە قەزای چۆمان، بە (باسنیوز)ی راگەیاند: "دوای سەردانمان بۆ بەڕێوەبەرایەتیی گشتیی گەشتوگوزاری هەولێر، بە مەبەستی زیاتر بایەخدان بە كەرتی گەشتیاری لە شارەدێی گەڵاڵە، سرەنجام رۆژی 31ی1ی2021 لیژنەیەك بە سەرپەرشتیی بەرێوەبەری گەشتوگوزاری چۆمان سەردانی شارەدێی گەڵاڵەیان كرد، بۆ دیاریكردنی ئەو شوێنانەی پێویستیان بە پردی پەڕینەوەیە بۆ شوێنە گەشتیارییەكانی سنوورەكەمان و دیاریكردنی شوێنی كەپر و كورسیدانان، هەروەها دیاریكردنی ئەو ڕێگایانەی پێویستیان بە چەوڕێژكردن هەیە، لەگەڵ شوێنێك بۆ دانانی یاریی منداڵان و دروستكردنی پاركێك لە قوبەی گەڵاڵە كە خستوومانەتە بەرنامەی كارەكانمانەوە".

 بەڕێوەبەری ناحیەی گەڵاڵە گوتیشی: "بەهۆی هەڵكەوتەی ناوچەكەمان شوێنێكی گونجاو و سەرەنجڕاكێشە، بەتایبەتیش بۆ جێبەجێکردنی پڕۆژەی گەشتیاری، هیوادارین لە ماوەیەكی كەمدا بتوانین دەست بە جێبەجێكردنی ئەو پرۆژانە بكەین".