هاوسەرۆكانی هەدەپە لەگەڵ پارتە ئۆپۆزسیۆنەكانی توركیا گفتوگۆ دەكەن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

هاوسەرۆكانی هەدەپە لەگەڵ پارتە ئۆپۆزسیۆنەكانی توركیا گفتوگۆ دەكەن

هاوسەرۆكانی هەدەپە، داوایان لە چوار پارتی سیاسی ئۆپۆزسیۆن کردووە بەمەبەستی چارەسەکردنی كێشە سەرەكی و بنەڕەتییەكانی توركیا پێکەوە دیدار و گفتوگۆ بکەن.

هەدەپە بە فەرمی داوایان لە هەر یەکە لە پارتەکانی جەهەپە، پارتی دەوا و پارتی ئایندە و پارتی سەعادەت كردووە تا پێشوازییان لێ بكەن بۆ گفتوگۆكردن لەبارەی كێشەكانی توركیا.

یەكەم پارت كە وەڵامی هەدەپەی داوەتەوە، پارتی سەعادەتە و بڕیارە (پەروین بوڵدان و مەدحەت سینجار) هاوسەرۆكانی هەدەپە ڕێکەوتی ١ی٢ی٢٠٢١ بە فەرمی سەردانی بارەگای پارتی سەعادەت بكەن و لە لایەن تەمەل كەرەمەلائۆغلۆ سەرۆكی پارتی سەعادەتەوە پێشوازیان لێ دەكرێت.

بە گوێرەی ئەو زانیارییانەی بەشی تورکیی ئاژانسی (BBC) بڵاوی كردووەتەوە، هەریەك لە كەمال كلیچدارئۆغلۆ سەرۆكی جەهەپە و ئەحمەد داودئۆغلۆ سەرۆكی پارتی ئایندە و عەلی باباجان سەرۆكی پارتی دەوا رەزامەندییان نیشان داوە تا پێشوازی لە هاوسەرۆكانی هەدەپە بكەن.

ئەگەرچی پارتی باشیش پارتێكی ئۆپۆزسیۆنە و خاوەنی ٤٠ كورسیی پەرلەمانییە، بەڵام هاوسەرۆكانی هەدەپە داوایان لە مەڕاڵ ئاكشەنەر سەرۆكی پارتی باش نەكردوە تا پێشوازییان لێ بكات و سەردانی بكەن، چونكە پارتی باش هەدەپەی پێ تیرۆریستە و چەندین جار ئاكشەنەر گوتوویەتی ناچێتە ناو هاوپەیمانی لەگەڵ هەدەپە، چونكە باڵێكی سیاسیی پەكەكەپە.

یەكێك لە بابەتە سەرەكییەكانی هەدەپە كە لەگەڵ سەرۆكی پارتە ئۆپۆزسیۆنەكانی توركیا باسی دەكات، نەبوونی عەدالەت و دیموكراتی و ئازادییە لە توركیا، ئەو پرسە بابەتی گفتوگۆی هاوسەرۆكانی هەدەپەیە لەگەڵ سەرۆكی پارتە سیاسییەكانی توركیا.