پۆلیسێن دهۆكێ : تومه‌تبارێ كو پلیتێن گازا سپى سه‌خته دكرن هاته ده‌سته‌سه‌ركرن
دوھی رۆژا سێشەمبی 26/1/2021ێ پۆلیسێن پارێزگه‌ها دهۆكێ ده‌سته‌سه‌ركرنا تومه‌تبارەكی راگه‌هاند.
هێمن سلێمان، په‌یڤدارێ پۆلیسێن پارێزگه‌ها دهۆكێ ل په‌یچى خوه (فیسبووكێدا) ئاشكه‌راكر:" بنگه‌هێ پۆلیسێن سه‌رسنكێ شیایه تومه‌تباره‌كی ده‌سته‌سه‌ربكه‌ن ل سه‌ر سه‌خته‌كرنا پلیتێن گازى وپشتى ده‌ست به‌لاڤكرنا گازا سپى ل سه‌ر وه‌لاتیان هاتیه كرن ل سنۆرێ ناحیا سه‌رسنكێ. ئه‌ڤی تاوانباری ب ده‌لیڤه دیتیه پلیتێن سه‌خته بینته سه‌رسنكێ بفرۆشته وه‌لاتیان بهایه‌كî ئه‌رزان لێ ژ یاسایێ قورتال نه‌بوو ژلایێ پۆلیسێن بنگه‌هێ سه‌رسنكێ ڤه هاتیه ده‌سته‌سه‌ركرن. ئه‌م دخوازین وه‌لاتیێن مه خۆش باوه‌ر نه‌بن داكو نه‌هێنه سه‌ردابرن".
بنگه‌هێ پۆلیسێن سه‌رسنكێ پشتى هاتیه ئاگه‌هداركرن ژلایێ رێڤه‌به‌ریا سووته‌مه‌نیێ ڤه ب هه‌بوونا سه‌خته‌كاریێ د پلیتێن گازا سپى دا دوڤچوون ل سه‌ر تاوانێ هاته كرن و شیان ناڤێ تاوانبارێ ده‌ست نیشان بكه‌ن وئاگه‌هداریا دادگه‌ها ڤه‌كۆلینا سه‌رسنكێ هاته كرن وبریارا ده‌سته‌سه‌ركرنا وی تومه‌تباری ده‌رچوو ".
دووڤ گۆتنا پۆلیسێن دهۆكێ كو پتر ژ 100 پلیتێن گازا سێ هاتینه فرۆتن ژلایێ تاوانباری ڤه. هه‌موو هاتینه گرتن وڤه‌كۆلین یا به‌رده‌وامه د تاوانێ دا.
