ئەردۆغان ئامادەكاری بۆ گۆڕینی چوار وەزیر دەكات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئەردۆغان ئامادەكاری بۆ گۆڕینی چوار وەزیر دەكات

رەجەب تەیب ئەردۆغان، لە چوارچێوەی ئەو ریفۆرمەی ئامادەی كردووە كە هەموو سێكتەرەكان دەگرێتەوە، بەنیازە بەر لە هەڵبژاردنی سەرۆكایەتی و پەرلەمانی توركیا، چوار وەزیری كابینەكەی بگۆڕێت و كەسانی تر بهێنێتە شوێنیان.

ماڵپەڕی (سۆڵ)ی توركی بە پشتبەستن بە زانیاریی چەند بەرپرسێكی ناو ئاكەپە ئاشكرای كردووە لە چەند هەفتەی داهاتوودا چوار وەزیری كابینەی حكوومەت گۆڕانكارییان بەسەردا دێت.

بە گوێرەی زانیارییەكان، هەریەك لە وەزیرانی (ناوخۆ، پەروەردە، كاروباری كۆمەڵایەتی و گەشتووزار) لە کابینەی حکوومەت دەگۆڕدرێن.

سولەیمان سۆیلۆ وەزیری ناوخۆی توركیا زۆرترین قسەی لەبارەوە دەكرێت، چونكە پێشتریش داوای دەستلەكاركێشانەوەی كردووە و ئەردۆغان رەتی كردەوە، بۆیە ئەمجارەیان ئەردۆغان داوای لێ دەكات دەست لەكار بكێشێتەوە.

تاكوو ئێستا ئەم زانیارییانە لە لایەن گوتەبێژی سەرۆكایەتیی كۆمار و ئاكەپەوە پشتڕاست نەكراوەتەوە و تەنیا زانیارییە و گەیشتووەتە دەستی میدیاكان.