ل دهۆكێ: كونفرانسێ نێڤده‌وله‌تى یێ جینوسایدێ دهێته‌ گێران
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ: كونفرانسێ نێڤده‌وله‌تى یێ جینوسایدێ دهێته‌ گێران

 كونفرانسێ نیڤه‌ده‌وله‌تى یێ جینوسایدێ ل پارێزگه‌ها دهۆكێ ب به‌شداریا ده‌وله‌تا توركیا وئه‌لمانیا و مه‌غره‌ب و جزائیر و تونس و لیبا و عێراقێ دێ ھێتە گێران. د كونفرانسێ دا 28 ڤه‌كۆلینێن زانستى سه‌ر جینوسایدێ هێته‌ پێشكیشكرن.

د. سالم جاسم، ریڤه‌به‌رێ سه‌نته‌رێ ڤه‌كۆلینێن جینوسایدێ ل زانكۆیا دهۆكێ بۆ (باسنیوز) ئاشكه‌راكركو:" ئه‌ڤرۆ 26/1/2021ێ به‌رهه‌ڤێن كونفرانسێ نیڤده‌وله‌تێ یێ جینوسایدێ ژێر دروشمێ جینوساید وسه‌ربۆرێن ملله‌تان، پالده‌ر و ریێن بنبركرنا جینوسایدێ ده‌ستپێكر. ئه‌ڤ كونفرانسه‌ سوبه‌هی رۆژا 27/1/2021  ل زانكۆیا دهۆكێ دێ ده‌ست پێ بكه‌ت. ئه‌و ده‌وله‌تێن به‌شدار دێ ب رێیا ئۆنلاین ڤه‌كۆلینێن خۆ ل سه‌ر جینوسایدا ێیشكێش كه‌ن و ڤه‌كۆله‌رێن كورد و عێراقى دێ به‌شداربن ب ریێا سمیناران دێ ڤه‌كۆلینێن خۆ پێشكێش كه‌ن. بۆ ده‌مێ دوو رۆژان دێ كونفرانس یێ به‌رده‌وام بیت ل رۆژا دووماهیێ دێ راسپاردە هێنه‌ كۆمكرن".

ئاشكه‌را كركو:" 28 ڤه‌كۆله‌ر ژ هه‌رێما كوردستانێ و عێراقى و لیبا و توركیا وتونس و جزائیر و ئه‌لمانیا ومه‌غره‌ب دێ به‌شداربن ب رێیا هه‌شت په‌نه‌لا دێ كونفرانس هێته‌ رێڤه‌برن. د كونفرانسێ دا چه‌ند ڤه‌كۆلینێن ل سه‌ر جینوسایدا ملله‌تێ كورد هێته‌ پێشكێشكرن كو سه‌نته‌رێ ڤه‌كۆلینێن جینوسایدێ دگه‌ل سه‌نته‌رێ بێشكچى زانكۆیا دهۆكێ ب ئه‌نجامدانا كونفرانسێ رابووینه‌".