كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

پۆلیسی هه‌ڵه‌بجه له‌باره‌ی‌ هه‌ڵدانه‌وه‌ی گۆڕی هاووڵاتییه‌ك ڕوونكردنه‌وه‌یه‌كی بڵاو كرده‌وه‌

گوته‌بێژی به‌ڕێوه‌به‌رایه‌تیی پۆلیسی پارێزگای هه‌ڵه‌بجه‌، له‌سه‌ر هه‌ڵدانه‌وه‌ی گۆڕی هاووڵاتییه‌كی ڕۆژئاوای كوردستان له‌ هه‌ڵه‌بجه، ڕوونكردنه‌وه‌یه‌كی‌ بڵاو كرده‌وه‌.

موقه‌ده‌م با‌رزان عوسمان، گوته‌بێژی به‌ڕێوه‌به‌ڕایه‌تیی پۆلیسی پارێزگای هه‌ڵه‌بجه‌، له‌ ڕوونكردنه‌وه‌كه‌دا ڕای گه‌یاند: "‌پاش بڵاووبونه‌وه‌ی گرته‌یه‌كی ڤیدیۆیی له‌باره‌ی هه‌ڵدانه‌وه‌ی گۆڕێك له‌ گۆڕستانی غه‌ریبان به‌دواداچوونمان بۆ ڕووداوه‌كه‌ كرد و بۆمان ده‌ركه‌وت كه‌ ئه‌و گۆڕه‌ گۆڕی هاووڵاتییه‌كی ڕۆژئاوای کوردستان بووه‌ به‌ناوی (ڕابیعه‌ محه‌مه‌د فارس)، كه‌ ته‌مه‌ن 80 ساڵ بووه‌ و خه‌ڵكی كۆبانێی ڕۆژئاوای كوردستان بووه‌، له‌ ڕێکەوتی 18ی6ی2020 له‌ پارێزگای هه‌ڵه‌بجه‌ كۆچی دوای كردووه‌".

گوته‌بێژی به‌ڕێوه‌به‌رایه‌تیی پۆلیسی پارێزگای هه‌ڵه‌بجه‌ ڕوونیشی كرده‌وه‌‌: "له‌ ڕیکەوتی11ی1ی2021 به‌ ئاگاداریی لایه‌نی په‌یوه‌ندیدار كه‌سوكاره‌كه‌ی دەستیان کردووە به‌ گواستنه‌وه‌ی ته‌رمه‌كه‌ بۆ شاری كۆبانێ له‌ ڕۆژئاوای كوردستان، له‌ هه‌مانكاتدا خزم و كه‌سوكاره‌كه‌شی ماڵیان گواستووه‌ته‌وه‌ بۆ شاری كۆبانێ له‌ ڕۆژئاوای كوردستان".