دەستەی گەشتوگوزار: گۆڕانی کەشوهەوا جووڵەی خستووەتە کەرتی گەشتیاری
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

دەستەی گەشتوگوزار: گۆڕانی کەشوهەوا جووڵەی خستووەتە کەرتی گەشتیاری

  گوتەبێژی دەستەی گەشتوگوزاری هەرێمی کوردستان ڕای گەیاند دوای ئەوەی ڤایرۆسی كۆرۆنا بڵاو بووەوە، زۆربەی شوێنە گەشتیارییەكان داخران و ئەمەش زیانی بە كەرتی گەشتیاری گەیاند، بەڵام بەهۆی گۆڕانی كەشوهەوا و بەفربارین لە ناوچە شاخاوییەکان، لەم چەند ڕۆژەدا کەرتی گەشتیاری لە هەرێمی كوردستان دەستی بە جووڵە كردووەتەوە".

نادر ڕۆستایی گوتەبێژی دەستەی گەشتوگوزاری هەرێمی کوردستان بە (باسنیوز)ی راگەیاند: "لە چەند ڕۆژی پێشوودا بە شێوەیەكی گشتی جووڵەیەكی باشی گەشتیاری هەبووە، تایبەت دوای ئەوەی لە ناوچە شاخاوییەکانی هەرێمی كوردستان بەفرێكی زۆر باری و ئەوەش وای كرد جووڵەیەكی زۆر بكەوێتە كەرتی گەشتیاری، چونکە گۆڕانی كەشوهەوا هاندەرێكی باشە بۆ جووڵەی گەشتیاری".

گوتیشی: "ئەوەی بەدی كرا لە چەندین شوێنی گەشتیاری وەك چیای كۆڕەك و شەنگلبانە و چەندن شوێنی تر جووڵەكە زۆر باش بووە و چاوەڕی دەكرێت كەرتی گەشتیاری بووژانەوەیەك بەخۆیەوە ببێنت و تا ئێستا دیاری نەكراوە ئاخۆ هاتنی ئەو ڕێژە گەشتیارییە چەندە، بەڵام ڕۆژانە خەڵك لە شارەکانی خواروو و ناوەڕاستی عێراقەوە سەردانی شوێنە گەشتیارییەكانی هەرێمی کوردستان دەكەن".

لەبارەی پلانیان بۆ داهاتوو نادر ڕۆستی ڕای گەیاند: "دوای بڵاوبوونەوەی ڤایرۆسی كۆرونا، شوێنە گەشتیارییەكان داخرابوون و ئەمەش زیانی بە كەرتی گەشتیاری گەیاند و ئێستا هێشتا مەترسی بڵاوبوونەوەی ڤایرۆسی كۆرۆنا ماوە، بەڵام ئێمە پلانی پێشوو جێبەجێ دەكەین".