هاوسەرۆکانی هەدەپە: مانگی داهاتوو خۆپیشاندان و کەمپین ڕێک دەخەین
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

هاوسەرۆکانی هەدەپە: مانگی داهاتوو خۆپیشاندان و کەمپین ڕێک دەخەین

 هەردوو هاوسەرۆكانی هەدەپە لە کۆبوونەوەیەکی سەرکردایەتییاندا لایەنگرانیان ئاگادار کردووەتەوە كە ٨ی ٢س٢٠٢١، هەدەپە بە پلانێكی تازەوە دەگەڕێتەوە ناو سیاسەت و ئەویش راگەیاندنی كەمپینێكی گەورەیە دژی دەسەڵات، کە تێیدا باسی گۆشەگیركردینی عەبدوڵا ئۆجەلان، هەروەها سزادانی سەلاحەدین دەمیرتاش دەکرێت کە سەرەڕای بڕیاری دادگای مافی مرۆڤی ئەورووپا، ئازاد نەکراوە.

پەروین بوڵدان و مەدحەت سینجار هاوسەرۆكانی پارتی دیموکراتی گەلان (HDP) لەڕێگەی ئۆنلاینەوە كۆبوونەوی سەركردایەتیی پارتەكەیان بەڕێوە بردووە و لەوێدا بڕیاریان داوە لە ٨ی ٢ی٢٠٢١ پرۆگرامی پارتەكەیان بۆ رووبەڕووبوونەوەی دەسەڵات رابگەیەنن.

بە گوێرەی زانیارییەكانی رۆژنامەی (دیوار)ی توركیا هاوسەرۆكان دژی گۆشەگیركردنی عەبدوڵا ئۆجەلان، هەروەها ئازادنەكردنی سەلاحەدین دەمیرتاش، لە ٨ی مانگی داهاتوو پلان دادەنێن بۆ ئەوەی بڕژێنە سەرشەقام و شەڕی دیموكراتی بكەن.

هاوسەرۆكانی هەدەپە لەو كۆبوونەوەیەدا ئاماژەیان داوە، پێویست دەكات هەدەپە بەردەوام بێت لە چۆنیەتیی رووبەڕووبوونەوی دەسەڵات، چونكە هەموو شتێك دەكەن تا هەدەپە لەناو بچێت، بەڵام ئەوان چۆك دانادەن و بەرگریی سەخت دەكەن.

باسیان لەوەش كردووە، لەگەڵ كونسوڵی زۆربەی وڵاتانی ئەورووپا لە توركیا دانیشتوون و گلەیی خۆیانیان گەیاندووەتە ئەوان، بۆیە لە مانگی داهاتووەوە بە پلانێكی تازەوە رووبەڕووی دەسەڵات دەبنەوە و داكۆكیش دەكەن بەوەی پێویستە دەمودەست دەمیرتاش ئازاد بكرێت.