کرمانج عه‌بدوڵڵا: 50 گوندی مەخموور بەهۆی مەترسییەکانی داعش چۆڵ کراون
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

کرمانج عه‌بدوڵڵا: 50 گوندی مەخموور بەهۆی مەترسییەکانی داعش چۆڵ کراون

ئه‌ندامێکی سه‌رکردایه‌تی پارتی دیموکراتی کوردستان رایدەگەیەنێت، بەهۆی مەترسییەکانی رێکخراوی تیرۆریستی داعش، زیاتر لە 50 گوند لە مەخموور چۆڵ کراون.

کرمانج عه‌بدوڵڵا، ئه‌ندامی سه‌رکردایه‌تی پارتی و به‌رپرسی لقی پارتی له‌ مه‌خموور، بە (باسنیوز)ی راگەیاند، بڕیار بوو بنکەیەکی سەربازیی هاوبەشی هێزەکانی پێشمەرگە و سوپای عێراق لە سنووری مەخموور دروست بکرێت، بەڵام تا ئێستا دروست نەکراوە و رایگەیاند، داوامان لە هاوپەیمانان کردووە گوشار بکەن بۆ دروستکردنی بنکە سەربازییە هاوبەشەکە.

کرمانج عەبدوڵڵا ئاماژەی بەوە کرد، به‌هۆی نەبوونی خزمه‌تگوزاری و ئاسایش و بوونی مه‌ترسی رێکخراوی تیرۆریستی داعش، زیاتر له‌ 50 گوندی سنووری‌ مه‌خموور چۆڵ کراون.

بەرپرسی لقی پارتی لە مەخموور حکوومەتی عێراقی بە خۆدزینەوە لە جێبەجێکردنی رێککەوتنەکان تاوانبار کرد و رایگەیاند، هەرێمی کوردستان و عێراق رێککه‌وتوون بۆ کارکردنی هاوبەش بۆ پاراستنی ئاسایشی مەخموور، بەڵام حکوومەتی عێراق وەک هەمیشە پابەندی رێککەوتنەکان نابێت.