ئێك ژ مەزنترین ڤەدیتنێن شینواریێ جیھانێ ل پارێزگەها دهۆكێ‌ هاتییە تۆماركرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئێك ژ مەزنترین ڤەدیتنێن شینواریێ جیھانێ ل پارێزگەها دهۆكێ‌ هاتییە تۆماركرن

رێڤەبەرێ‌ شینوارێن پارێزگەها دهۆكێ‌ ئاشكەرا كر كو ئێك ژ مەزنترێن ڤەدیتنێن شێنواریێ ل سەر ئاستێ هەموو جیهانێ‌  ل پارێزگەها دهۆكێ‌ هاتیە دیتن.

 د. حەسەن ئەحمەد قاسم، رێڤەبەرێ‌ شینوارێن پارێزگەها دهۆكێ‌ بۆ (باسنیوز) راگەهاند كو: "كارێن بەرچاڤ یێن ڤەكۆلینا شینواران ل دهۆكێ‌ هاتینە ئەنجامدان. ئێك ژوان كاران ژی تیمێ كوردی دگەل تیمەكی ئیتالیی ل ناحیا فەیدیێ‌ سنۆری پارێزگەها دهۆكێ‌ ڤەدیتنەك بۆ شینواران ئەنجامدان."

 گۆت ژی: "ئەڤ ڤەدیتن هاتە هژمارتن ئێك ژ پێنج مەزنترین ڤەدیتنێن شینواران ل سەر ئاستێ هەموو جیهانێ،‌ ل پارێزگەها دهۆكێ‌ بوو. ب شانازی‌ ڤە رێڤەبەریا شینوارێن دهۆكێ‌ چالاكیێن هەرە مەزن ل سەر ئاستێ‌ هەموو جیهانێ‌ ئەنجامدان  ودانپێدانێن نێڤدەولەتی پێ‌ هاتینە كرن وباشترین نموونە ژی ئێك ژ ڤەدیتنێن هەرە مەزن ل سەر ئاستێ‌ هەموو جیهانێ‌ پارێزگەها دهۆكێ‌ بوویە بۆ شینواران".

د. حەسەن ئەحمەد، ئەوژی گۆت: "شینوارێن دەگمەن ل دهۆكێ‌ هاتینە دیتن وپاراستن دموزەخانا دهۆكێدا. هەموو گرێدایی‌ دیرۆكا كوردستانێ‌ و پارێزگەها دهۆكێ‌ نە هەتا چار هزار پارچەیێن شینواران ل دهۆكێ‌ هاتینە دیتن وپاراستن وكار ل سەر دیتن و ڤەكۆلینا شینوارێن دهۆكێ‌ یێ‌ بەردەوامە".