ئه‌نجوومه‌نى پارێزگاى هه‌ولێر بۆ تاوتوێكردنی چه‌ند پرسێك كۆده‌بێته‌وه‌
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئه‌نجوومه‌نى پارێزگاى هه‌ولێر بۆ تاوتوێكردنی چه‌ند پرسێك كۆده‌بێته‌وه‌

 بڕیاره‌ ئه‌نجوومه‌نی پارێزگای هه‌ولێر بۆ تاوتوێكردنی چه‌ند پرسێك كۆ ببێته‌وه‌ و قایمقامی هه‌ولێریش له‌و كۆبوونه‌وه‌یه‌دا ئاماده‌ ده‌بێ.

كه‌نعان خه‌یلانى، سه‌رۆكى فراكسیۆنى پارتى له‌ ئه‌نجوومه‌نی پارێزگای هه‌ولێر به‌ (باسنیوز)ی راگه‌یاند، بڕیاره‌ كاتژمێر 10:30ـی سبه‌ى چوارشه‌ممه‌ 20/1/2021، ئه‌نجوومه‌نی پارێزگای هه‌ولێر كۆبوونه‌وه‌ی ژماره‌ (86)ـی له‌ هۆڵى دیوانی ئه‌نجوومه‌نی پارێزگا ئه‌نجام بدات.

ئاماژه‌ی به‌وه‌ش كرد، كه‌ به‌ پێی نووسراوى كۆمسیۆنى باڵاى هه‌ڵبژاردن به‌ ژماره‌ (1ق\211)، كه‌ له‌ 12\11\2020 ده‌رچووه‌ و تایبه‌ته‌ به‌ ناوى یه‌ده‌گى دووه‌م به‌ ژماره‌ى ده‌نگ له‌ لیستى به‌ره‌ى توركمانى خالیده‌ سه‌برى حه‌سه‌ن وه‌ك ئه‌ندامی ئه‌نجوومه‌ن سوێندنى یاسایى ده‌خوات.

ئه‌وه‌شى خسته‌ ڕوو: هه‌ریه‌ك له‌ قایمقامى ناوه‌ندیى هه‌ولێر و لێژنه‌ى چاودێریى بازاڕ و به‌رێوبه‌رى چاودێریى بازرگانیى هه‌ولێر‌ ئاماده‌ى دانیشتنه‌كه‌ى سبه‌ى ئه‌نجوومه‌نى پارێزگاى هه‌ولێر ده‌بن.