سەرۆکی ئەنجوومەنی دادوەریی عێراق داوای رادەستکردنی ترەمپ لە باڵوێزی ئەمریکا دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

سەرۆکی ئەنجوومەنی دادوەریی عێراق داوای رادەستکردنی ترەمپ لە باڵوێزی ئەمریکا دەکات

سەرۆکی ئەنجوومەنی باڵای دادوەریی عێراق داوا لە باڵوێزی ئەمریکا لە بەغدا دەکات، سەرۆکی ئێستای وڵاتەکەی رادەستی هێزە عێراقییەکان بکات.

ئەمڕۆ دووشەممە 18-1-2021، فائیق زێدان، سەرۆکی ئەنجوومەنی باڵای دادوەریی عێراق پێشوازیی لە ماتیۆ تولەر، باڵوێزی ئەمریکا لە بەغدا، کردووە.

لە کۆبوونەوەکەدا، بەپێی بەیاننامەیەکی ئەنجوومەنەکە، فائیق زێدان گفتوگۆی لەبارەی رادەستکردنی دۆناڵد ترەمپ، سەرۆکی ئێستای ئەمریکای بە هێزە ئەمنییەکانی عێراق لەگەڵ ماتیۆ تولەر کردووە.

رۆژی 7-1-2021، دادگای رەسافە لە بەغدا به‌ هۆی تۆمه‌تباركردنی له‌ دۆسیه‌ی کوشتنی ئەبوو مەهدی موهەندیس، جێگری سەرۆکی دەستەی میلیشیاکانی حەشدی شەعبی، فەرمانی دەستگیرکردنی بۆ دۆناڵد ترەمپی سەرۆکی ئێستای ئەمریکا، کە ماوەی سەرۆکایەتییەکەی لە 20-1-2021 کۆتایی دێت، دەرکرد.

بەرەبەیانی رۆژی هەینی 3-1-2020، لە ئەنجامی بۆردومانکردنی کاروانێکی حەشدی شەعبی لە فڕۆکەخانەی بەغدا لەلایەن فرۆکەیەکی بێفڕۆکەوانی ئەمریکییەوە، هەریەکە لە ئەبومەهدی موهەندیس، جێگری سەرۆکی دەستەی میلیشیاکانی حەشدی شەعبی و قاسم سولەیمانی، فەرماندەی سوپای قودسی سەر بە سوپای پاسدارانی ئێران و نۆ بەرپرس و چەکداری دیکەی حەشدی شەعبی، کوژران.