عارف ڕوشدی: بەشێكی كێشەكانی هەولێر و بەغدا بەهۆی ملكەچی و خۆبەدەستەوەدانی كۆمەڵێك كوردزمانە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

عارف ڕوشدی: بەشێكی كێشەكانی هەولێر و بەغدا بەهۆی ملكەچی و خۆبەدەستەوەدانی كۆمەڵێك كوردزمانە

”ئەم هەلپەرستانە دەست لە هەڵبەستنی بوختان و داپۆشینی درۆ و دەلەسەكانی داگیركەران ناپارێزن“

راوێژكارێكی مەكتەبی سیاسیی پارتی دیموكراتی كوردستان رای دەگەیەنێت كە بەشێكی كێشەكانی هەولێر و بەغدا، بەهۆی ملكەچی و خۆبەدەستدانی كۆمەڵێك كوردزمانە لە بەغداوە كە دەست لە هیچ كارێك ناپارێزن.

عارف ڕوشدی، ڕاوێژكاری مەكتەبی سیاسیی پارتی لە نووسینێكیدا بە ناونیشانی (كورتەیەك لەبارەی زیانەكانی لادەر و ملكەچبووەكان) بڵاوی كردۆتەوە، ئاماژەی بەوە داوە، بەدرێژایی مێژووی بزاڤی کوردایەتی، هەمیشە دەستە و گرووپی لادەر و ملكەچبوو هەبوون و زیانگەیەنەری سەرەكی بوون بە بزاوتە نیشتمانییەكەمان، ئەمانە وەك كاڵایەكی هەرزانبەها بەكار هیندراون لە لایەن دابەشكەرانی كوردستانەوە، ”بۆیە پێویست ناكات گلەیی و ناڕەزایی زۆر ئاراستەی شۆڤێنییەكانی گەلانی سەردەست بكەین“.

نموونەشی بەوە هێناوەتەوە كە هۆكاری ڕووخانی حكوومەتەكەی شێخ مەحموودی حەفید، هەڵوێست و ملكەچیی ئابڕووبەرانەی كوردە نۆكەرەكان بوون. هەروەها هۆكاری ڕووخانی كۆماری كوردستان لە مەهاباد، هەماهەنگیی بێ ئەرزشانەی نێوان دەستەیەك لە سەرۆك عەشیرەتەكانی كورد و شای ئێران بوو.

هەر لە نووسینەكەیدا عارف ڕوشدی ئاشكرای كردووە، ”هۆكاری كێشە و گرفتەكانی نێوان هەرێمی كوردستان و بەغدا، بێجگە لە عەقڵیەتی دواكەوتووی حوكمڕانان، ملكەچی و خۆبەدەستدانی كۆمەڵێك كوردزمانی نمەك حەرام و هەلپەرستی بەغدایە“.

ئەوەش ناشارێتەوە كە ”خائینانی پرسی نیشتمانی، لە پێناو زەمینەسازی بۆ پیلانە نەگریسەکەیان، دەست ناپارێزن لە هەڵبەستنی جۆرەها پوختان و داپۆشینی درۆ و دەلەسەکانی داگیرکەران لە لایەک، خولقاندن و گەورەکردنی كیشەناوخۆییەكانی هەرێمی كوردستان لە لایەکی دیکەوە“.