كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

له‌ باره‌ی بڵاوبوونه‌وه‌ی ئەنفله‌وه‌نزای باڵنده‌وه‌ چه‌ند بڕیارێك ده‌درێن

 دوای ئه‌وه‌ی نه‌خۆشیی ئەنفله‌وه‌نزای باڵنده،‌ لە چەند کێڵگەیەکی پەلەوەریی چەند شارێکی عێراق بڵاو بووه‌وه‌، بڕیاره‌ ئەمڕۆ لیژنەی باڵای ڕووبەڕووبونەوەی ئه‌و نه‌خۆشییه‌ له‌ كوردستان کۆببێتەوە و بڕیاری پێویست لەو بارەیەوە بدات.

ئه‌مڕۆ یه‌كشه‌ممه‌ 17/1/2021، فیراس سدیق، بەڕێوەبەری سامانی ئاژەڵ لە وەزارەتی کشتوکاڵ و سەرچاوەکانی ئاو بە (باسنیوز)ی ڕاگەیاند: "ئەنفله‌وه‌نزای باڵنده‌ لە چەند کێڵگەیەکی پەلەوەر لە شارەکانی عێراق بڵاو بوەتەوەو بەھۆیەوە ژمارەیەکی زۆر مریشک مرداربوونەتەوە".

ئاماژه‌ی به‌وه‌ش كرد كه‌ تا ئێستا ئەنفله‌وه‌نزای باڵنده‌ نەگەیشتووه‌تەوە ھەرێمی کوردستان و ھیچ حاڵەتێک تۆمار نەکراوە.

به‌ڕێوه‌به‌ری سامانی ئاژه‌ڵ، ئاشكراشی كرد كه‌ ئەمڕۆ یەکشەممە، لیژنەی باڵای ڕووبەڕووبوونەوەی ئەنفله‌وه‌نزای باڵنده‌ کە لەلایەنە پەیوەندیدارەکان پێک ھاتووە، كۆ ده‌بنه‌وه‌ و بە وردی تاوتوێی بابەتەکە ده‌کرێ و "پلان و بەرنامەی خۆمان لەڕووی خۆئامادەکردن بۆ ئەگەری بڵاوبوونەوەی دابڕێژین و بڕیاری پێویست لە بابەتی ھاوردە و ھەناردەکردن و مامەڵەی مریشک لەنێوان ھەرێمی کوردستان و شارەکانی عێراق بدەین".