رێڤه‌به‌رێ شینوارێن پارێزگه‌ها دهۆكێ ئاشكرا كر كو چار هزار پارچه‌یێن شینواران ل مۆزه‌خانا دهۆك یا نشتیمانیىدا هاتینه‌ پاراستن، دێ دوو هزار پارچه‌یێن دى یێن شینواران ل دهۆكێ هێنه‌ راگه‌هاندن.

د. حه‌سه‌ن ئه‌حمه‌د رێڤه‌به‌رێ شینوارێن پارێزگه‌ها دهۆكێ بۆ (باسنیوز) راگه‌هاند كو "هزار پارچه‌یێن شینوارێن دهۆكێ دكۆگه‌هێن مۆزه‌خانا نشتیمانى ل به‌غدا هه‌نه‌، گه‌له‌ك جاران مه‌ خواستیه‌ شینوارێن دهۆكێ بهێنه‌ ڤه‌گه‌راندن بۆ مۆزه‌خانا دهۆك لێ به‌غدا رازى نه‌بوویه‌ كو ئه‌ڤ هژمارا شینوارێن دهۆكێ ساله‌ 1991ێ حكومه‌تا عێراقى ده‌مێ كوچا ملیۆنى دا یێن ژ دهۆكێ ڤه‌گوهاستینه‌ به‌غدا هه‌تا ئه‌ڤرۆ راده‌ستێ مۆزه‌خانا دهۆكێ نه‌كرینه‌".

رێڤه‌به‌رێ شینوارێن پارێزگه‌ها دهۆكێ گۆتژى "پتر ژ دوو هزار پارچه‌یێن دى یێن شینواران ل دهۆكێ هه‌نه‌ ئه‌م چاڤه‌رینه‌ زانكۆیێن بیانى دكه‌ین قه‌ستا پارێزگه‌ها دهۆكێ بكه‌ین بۆ راگه‌هاندنا هه‌موو جه وپارچه‌یێن شینوارێن سنۆرى پارێزگه‌ها دهۆكێدا".