وەزیری بەرگریی توركیا: ئەمریكا مووشەكی پاتریۆتمان پێ نافرۆشێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

وەزیری بەرگریی توركیا: ئەمریكا مووشەكی پاتریۆتمان پێ نافرۆشێت

"ئیتاڵیا و فەڕەنساش دوای تورکیایان ڕەت کردووەتەوە"

وەزیری بەرگریی توركیا لەبارەی كڕینی مووشەكی بەرگریی پاتریۆتی ئەمریكی ئاشكرای كرد، داوایان لە ئەمریكا كردووە ئەو مووشەكەیان پێ بفرۆشێت، بەڵام وەڵامێكی ئەرێنیان نەدراوەتەوە.

 ئاماژەی بەوەش داوە، هەروەها داوایان لە فەڕەنسا و ئیتاڵیا كردووە چەكی (SAMP_T) یان پێ بفرۆشن و ئەوانیش وەڵامی ئەرێنیی توركیایان نەداوەتەوە.

خلووسی ئاكار وەزیری بەرگریی توركیا، لە پرێس کۆنفرانسێکدا باسی لە كڕینی مووشەكی بەرگریی S400 لە رووسیا کرد و گوتی پێشتر داوایان لە ئەمریكا كردووە تا سیستەمی پاتریۆتیان پێ بفرۆشێت، بەڵام كە وەڵامەكە نەرێنی بووە، بۆیە روویان لە رووسیا كردووە.

ئاكار ڕاشی گەیاند: "ئەمریكای هاوپەیمانمان پێمان دەڵێن ناتوانین بەیەكەوە كار بكەین تا لە كڕینی S400ی ڕووی پەشیمان نەبنەوە، بەڵام ئەگەر ئەمریكا بیەوێت چارەسەر بۆ ئەو بابەتە بدۆزرێتەوە چارەسەر هەیە. چەندین وڵات هەن خاوەنی S400 و پاتریۆتن، بۆیە چارەسەری ئەو ناكۆكییە دەكرێت و مەحاڵ نییە".

وەزیری بەرگریی تورکیا ئاماژەی بەوەش كرد، لەگەڵ ئەمریكا زۆر كار هەیە بەیەكەوە ئەنجامی بدەین، بە تایبەت ئەو كارانە بۆ ناتۆ زۆر گرنگن، بەڵام ئەگەر ئەمریكا هەر داكۆكی بكات و بە زمانی هەڕەشە قسە بكات، ئەوكات كێشەكان چارەسەر نابن.

خلووسی ئاکار داواشی لە سەرۆكی هەڵبژێردراوی ئەمریكا جۆ بایدن كرد، واز لە سزادانی توركیا بهێنن و بە زمانی گفتوگۆ چارەسەری كێشەی نێوانیان بكەن، بە تایبەت لەبارەی S400.

ئەوەشی ئاشكرا كرد، وەكوو توركیا داوایان لە ئیتاڵیا و فەڕەنسا كردووە، كە چەكی (SAMP_T) یان پێبفرۆشن، بەڵام ئەوانیش رەتیان كردووەتەوە.