لیژنەیەکی پەرلەمان بەدواداچوون بۆ ڕەوشی سزادراو و ڕاگیراونی ناو چاکسازییەکان دەكات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لیژنەیەکی پەرلەمان بەدواداچوون بۆ ڕەوشی سزادراو و ڕاگیراونی ناو چاکسازییەکان دەكات

ئەندامێكی لێژنەی كاروباری كۆمەڵایەتی و داكۆكیكردن لە مافی مرۆڤ لە پەرلەمانی كوردستان ڕای گەیاند لەبارەی ڕەوشی سزادراوان لە چاكسازییەكان سكاڵایەكی زۆرمان بەدەست گەیشتووە، بۆ ئەم مەبەستە لێژنەكەمان لەم نزیكانە لەبارەی ڕەوشی سزاداروان و ڕاگیراوان دەكۆڵێتەوە بەدواداچوون بۆ كێشەكانیان دەكات.

لەمبارەوە ئەمڕۆ پێنجشەمە ١٤ی١ی٢٠٢١ حەسیبە گەردی ئەندامی پەرلەمانی كوردستان لە لیژنەی كاروباری كۆمەڵایەتی و داكۆكیكردن لە مافی مرۆڤ لە پەرلەمانی کوردستان بە (باسنیوز)ی ڕاگەیاند: "دوای ئەوەی سكاڵایەكی زۆری بنەماڵەی زیندانیان ئاراستەی لێژنەكەمان كرا بە مەبەستی بەدواداچوون بۆ كێشە و گیرگرفتەكانی زیندانیان، دوێنی چوارشەممە 2021/1/13، لیژنەی كاروباری كۆمەڵایەتی و داكۆكیكردن لە مافی مرۆڤ، كۆبوونەوەیەكمان بە مەبەستی تاوتوێكردنی ئەو سكاڵایانە كە بەدەست لێژنەكەمان گەیشتووە بەڕیوە برد بۆ بەدواداچوون بۆ كێشە و گرفتەكانی ڕاگیران و سزادراوان لە جاکسازییەکانی هەرێمی کوردستان".

گوتیشی: "لە كۆبوونەوكە بڕیارمان دا لەم نزیكانە بەپێی ئەو سكالایانەی کە بە دەستمان گەیشتوون، بەدواداچوون بۆ رەوشی سزادراوان و راگیراوان لە چاكسازییەكان پارێزگاكانی هەرێمی كوردستان بکەین".

حەسیبە گەردی ڕاشی گەیاند: "هەر لە كۆبوونەكەدا باس لە یاسای ماف و ئیمتیازاتی كەمئەندامان لە هەرێمی كوردستان کرا كە پێشتر لەلایەن لێژنەكەوە ڕاوژێركارێكی یاساییەوە کە ڕاسپێردرابوو بۆ خوێندنەوەی یاساكە و كێشە و گرفتەكان بۆ ئەوەی لە داهاتوودا كاری زیاتری لەسەر بكرێت".