بەوێنە.. هاووڵاتییەك لە سنووری مێرگەسۆر دوو پارچە شوێنەواری دۆزییەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بەوێنە.. هاووڵاتییەك لە سنووری مێرگەسۆر دوو پارچە شوێنەواری دۆزییەوە

لە گوندێكی سنووری قەزای مێرگەسۆر هاووڵاتییەك لە كاتی كاركردن لە باخچەی ماڵەكەی دوو پارچە شوێنەواری كۆنی دۆزیوەتەوە و تیمەكانی شوێنەواریش لێكۆڵینەوەی لەسەر دەكەن.

سۆران ئەمیر، بەڕێوەبەری فەرمانگەی شوێنەواری مێرگەسۆر، ئەمڕۆ پێنجشەممە 14ی 1ی 2021 بە (باسنیوز)ی راگەیاند: "هاووڵاتییەكی گوندی "كەلۆك"ی سەر بە ناحیەی پیران لە سنووری قەزای مێرگەسۆر، لە رێگای قایمقامی قەزای مێرگەسۆرەوە ئاگاداری كردینەوە كە لە كاتی دروستكردنی باخچەیەك لە نزیك خانووەكەی خۆی، دوو پارچە گۆزەی شوینەواری دۆزیوەتەوە، وەك فەرمانگەی شوێنەواری مێرگەسۆر، لەگەڵ بەڕێوەبەرایەتیی شوێنەواری سۆران، بەپەلە دەستمان کرد بە هەڵكۆڵین لەبەر كەشوهەوای ناوچەكە بۆ گواستەوەی شوێنەوارە دۆزراوەكان، كە بریتی بوون لە دوو گۆزەی گەورە كە پێ دەچێت لە كۆنەوە بۆ هەڵگرتنی دانەوێلە بەكار هاتبن".

بەڕێوەبەری فەرمانگەی شوێنەواری مێرگەسۆر، ئەوەشی ئاشكرا كرد: "بە گوێرەی رەنگ و پێكهاتە و شێوەی گۆزەكان، پێ دەچێت مێژووەكەیان بگەڕێتەوە بۆ سەردەمی كۆتایی ئیمپراتۆریەتی ساسانی لە ساڵانی (226-651ز) واتە 1300 ساڵ لەمەوبەر".