لە توركیا وەزیری تەندروستی وەک یەكەم كەس پێکوتەی دژە كرۆنای بەكار هێنا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

لە توركیا وەزیری تەندروستی وەک یەكەم كەس پێکوتەی دژە كرۆنای بەكار هێنا

دوای چاوەڕوانییەكی زۆر، پێکوتەی دژە كۆرۆنا گەیشتە توركیا و، یەكەم كەسیش كە ئەو پێکوتەیەی بەكار هێنا، فەخرەدین كۆجا وەزیری تەندروستیی توركیا بوو.

فەخرەدین كۆجا وەزیری تەندروستیی توركیا، لەبەردەم چاوی كامیراكان و بە شێوەیەكی شەفاف خۆی كوتا و داواشی لە هاووڵاتییانی توركیا كرد خۆیان بكوتن، چونكە ئەو پێکوتەیەی هێنراوەتە توركیا چینییە و هیچ كێشەیەكی تەندروستیی نییە.

كۆجا لە پێگەی خۆی لە تۆڕی کۆمەڵایەتیی (تویتەر) بڵاوی كردەوە، پێکوتەی كۆرۆنا بە شێوەیەكی زۆر دادپەروەرانە بەسەر هاووڵاتییانی توركیادا دابەش دەكرێت و سەرەتاش سێكتەری تەندروستی لێی سوودمەند دەبن، چونكە بەردەوام بەركەوتەیان لەگەڵ نەخۆشدا هەیە.

رەجەب تەییب ئەردۆغان سەركۆماری توركیا، داوای لە خەڵك كردووە پێکوتەکە بەكار بهێنن، هەروەها ئاماژەی بەوەش داوە هەفتەی داهاتوو بە شێوەیەكی بەربڵاو بەسەر هاووڵاتییاندا دابەش دەكرێت.