چەند پڕۆژەیەكی گەشتیاری لە سنووری قەزای چۆمان جێبەجێ‌ دەكرێن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

چەند پڕۆژەیەكی گەشتیاری لە سنووری قەزای چۆمان جێبەجێ‌ دەكرێن

بەڕێوەبەری گەشتوگوزاری قەزای چۆمان ڕای گەیاند ئێستا دوو پڕۆژەی گەشتیاری لە سنوورەكەمان كاریان تێدا دەكرێت و دوای وەرزی زستان پڕۆژەی زیاتر ئەنجام دەدرێن.

  هەڵگورد محەمەد ناوەندی، بەڕێوەبەری گەشتوگوزاری قەزای چۆمان، ئەمڕۆ چوارشەممە 13/1/2021 بە (باسنیوز)ی راگەیاند: "دەڤەری باڵەكایەتی لە سنووری قەزای چۆمان، خاوەن چەندان شوێنی سەرنجڕاكێش و گەشتیارییە و بەمەش رۆژانە و لە هەر چوار وەرزی ساڵدا گەشتیارانی ناوخۆیی و دەرەوە روو لەم ناوچانە دەكەن و كاتێكی خۆشی تێدا بەسەر دەبەن".

 ئەوەشی ئاشكرا كرد: "بەمەبەستی زیاتر بایەخدان بە بواری گەشتوگوزار، ئێستا لەلایەن هاووڵاتییان و كەرتی تایبەتەوە دوو پڕۆژەی گەشتیاری لە بواری جێبەجێكردندان، هەروەها بە تێپەڕینی وەرزی زستان پڕۆژەی زیاتری گەشتیاری لە سنوورەكەمان ئەنجام دەدرێن، ئێمەش وەك گەشتوگوزاری چۆمان بە شێوەیەكی بەردەوام چاودێرییان دەكەین".