ترەمپ بەهۆی لایەنگرانییەوە باری لەناکاو لە واشتن رادەگەیەنێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ترەمپ بەهۆی لایەنگرانییەوە باری لەناکاو لە واشتن رادەگەیەنێت

سەرۆکی ئێستای ئەمریکا بەهۆی مەترسیی لایەنگرەکانی خۆیەوە، باری لەناکاو لە واشتنی پایتەخت، رادەگەیەنێت.

ئەمڕۆ سێشەممە 12-1-2021، کۆشکی سپی (کۆشکی سەرۆکایەتیی ئەمریکا) لە بەیاننامەیەکدا رایگەیاندووە، دۆناڵد ترەمپی سەرۆکی وڵات رەزامەندیی لەسەر راگەیاندنی باری لەناکاو لە واشنتن، دەربڕیوە.

راگەیاندنی باری لەناکاو لە واشنتن بەهۆی مەترسیی هێرش و خۆپیشاندانی چەکداریی لایەنگرانی دۆناڵد ترەمپە بۆ سەر کۆنگرێسی ئەمریکا.

ناڕەزایی لایەنگرانی ترەمپ دژی ئەنجامەکانی هەڵبژاردنی سەرۆکایەتییە، کە لە 3-11-2020 ئەنجام درا و تێیدا جۆ بایدنی کاندیدی دیموکراتەکان سەرکەوت بەسەر دۆناڵد ترەمپ.

بەپێی ئەو یاداشتەی ترەمپ بەهۆیەوە باری لەناکاوی لە واشنتن راگەیاند، ئەگەر هەیە گرووپێکی چەکدار بچنە واشنتن و لە رۆژانی کۆتایی دەسەڵاتی ترەمپ وەک سەرۆکی ئەمریکا، بە چەکەوە بچنە ناو کۆنگرێسی ئەمریکا.

بڕیارە رۆژی 20-1-2021، جۆ بایدن وەک سەرۆکی نوێی ئەمریکا دەست بەکار بێت و کۆتایی بە ماوەی سەرۆکایەتیی دۆناڵد ترەمپ (2017-2021)، بێت.