ئەحمەدی‌نەژاد: هاوکاریی سعودیە و ئێران ئاشتی لە رۆژهەڵاتی ناوەڕاست بەرقەرار دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ئەحمەدی‌نەژاد: هاوکاریی سعودیە و ئێران ئاشتی لە رۆژهەڵاتی ناوەڕاست بەرقەرار دەکات

سەرکۆماری پێشووی ئێران رایدەگەیەنێت، کە بە هاوکاریی سعودیە و وڵاتەکەی، ئاشتی لە رۆژهەڵاتی ناوەڕاست بەرقەرار دەبێت.

مەحمود ئەحمەدی‌نەژاد، سەرکۆماری پێشووی ئێران (2005-2013) بە رۆژنامەی (ئەلقەبەس)ی کوێتی راگەیاندووە،  ئێران و سعودیە دوو دەوڵەتی گەورەی رۆژهەڵاتی ناوەڕاستن و کاریگەرییان بەسەر ناوەندە نێودەوڵەتییەکانەوە هەیە.

مەحمود ئەحمەدی‌نەژاد هەروەها رایگەیاندووە، هەردوو گەلی ئێران و سعودیە خوازیاری دۆستایەتی و هاوکاریی یەکترن و بە هاوکاریی ئەو دوو وڵاتەش، ئاشتی و ئاوەدانکردنەوە لە رۆژهەڵاتی ناوەڕاست بەرقەرار دەبێت.

سعودیە وڵاتێکی سوننەمەزهەبی عەرەبییە و ئێرانیش وڵاتێکی شیعەمەزهەبی فارسی و کێشەیەکی قوڵی مەزهەبی و نەتەوەیی لەنێوانیان هەیە.