پارتی سەعادەت دەچێتە ناو هاوپەیمانیی ئەردۆغان و باخچەلییەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

پارتی سەعادەت دەچێتە ناو هاوپەیمانیی ئەردۆغان و باخچەلییەوە

پارتی سەعادەت لە تورکیا كە لە هەڵبژاردنەكاندا بەردەوام ٢٪ی دەنگەكانی بەدەست هێناوە، بەنیازە لە هەڵبژاردنی داهاتوودا بچێتە ناو هاوپەیمانیی (كۆماری) كە لە نێوان ئاكەپە و مەهەپەدا پێك هێنراوە.

رەجەب تەیب ئەردۆغان سەركۆماری توركیا، بە سەردانێكی فەرمی چووەتە ماڵی (ئۆغوزخان ئەسیلتورك)، سەرۆكی دەستەی راوێژكاری باڵای پارتی سەعادەت، ئەم سەردانەش بۆ ئەوە بووە تا پارتی سەعادەت بچێتە ناو هاوپەیمانیی خۆیەوە.

ئەگەرچی پارتی سەعادەت لە هاوپەیمانیی (میللەت)ە و وەكوو پارتێكی ئۆپۆزیسیۆن خۆی ناساندووە، یەڵام ئۆغوزخان كاریگەریی زۆری لەسەر ئەو پارتە دەبێت تا واز لە ئۆپۆزیسیۆنبوون بهێنن.

عەبدولقادر سەلفی نووسەری نزیك لە ئاكەپە بڵاوی كردووەتەوە، كە ئەم سەردانەی ئەردۆغان بۆ ماڵی ئۆغوزخان شتێكی لێ دێتە بەرهەم و بۆچوونی میللییان لە یەكترییەوە نزیكە.

تەمەل كەرەمەلا ئۆغلۆ سەرۆكی پارتی سەعادەت، لەگەڵ ئەوەدا نییە بچنە ناو هاوپەیمانیی كۆمارییەوە، چونكە بەردەوام رەخنەی توندی لە ئەردۆغان و پارتەكەی گرتووە، بۆیە ئەگەر ئۆغوزخان فشاری بخاتە سەر بۆ چوونە ناو هاوپەیمانیی كۆماری، ئەگەر زۆرە كەرەمەلا ئۆغلۆ واز لە سەرۆكی پارتی سەعادەت بهێنێت.