چارەنووس
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

درەنگ لە دەرگای دڵمت دا، تەمەنیش هێندەی نەماوە
ئاخر هیچم لە دەست نایات، پەیامی تۆ لەسەر چاوە
خۆ ئەشزانی کە من و تۆ، بەیەک گەیشتمان مەحاڵە
وەرزی ئەوین و دڵداری، بۆ ئێمە ئازار و تاڵە

لە ئاسمانی بەختی ئێمە، هەورێک نییە تا ببارێ
کێڵگەی ئەم دڵە شێتەمان، ئاو بدات بۆ تەنیا جارێ
تازە چی لە عیشقێک بکەم سەرئەنجامی فەنابوونە
خۆزگە و خەونی ئەم حەزەمان، لێرەدا ئاشکرا و ڕوونە

دە سا ئیتر دەسبەرداری، من و ئەم خەونە بە گیانە
چواروەرزەی ئێمە پایزە و هەمیشە گەڵاڕێزانە
ئەستێرەی بەختی من و تۆ، لەنێو هەسارەی تەمدایە
تاوانی هیچ کەسێک نییە لێ گەڕێ چارەنووس وایە