ساڵی 2020 گۆڕانی كەشوهەوا زیانی ملیاران دۆلاری بە جیهان گەیاند
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ساڵی 2020 گۆڕانی كەشوهەوا زیانی ملیاران دۆلاری بە جیهان گەیاند

دامەزراوەیەكی ژینگەیی جیهانی ئاشكرای كرد ساڵی 2020 گۆڕانی كەشوهەوا زیانی ملیاران دۆلاری بە جیهان گەیاند.

دامەزراوەی كریستیان ئاید كە دامەزراوەیەكی جیهانی تایبەت بە ژینگەیە، لە راپۆرتێكدا رایگەیاندووە كە بە هۆی ڕووداوی سروشتی و گۆڕانی كەشوهەواوە، 10 ڕووداوی گەورەی سروشتی لە جیهان تۆمار كراون، كە زیانی ملیاران دۆلاریان هەبووە.

دامەزراوەكە ئاماژەی بەوە داوە كە تەنها لە وڵاتی چین و هیند بە هۆی هاتنی لافاوەوە زیانی 40 ملیار دۆلار كەوتووەتەوە، ئەمریكاش زیانی 60 ملیار دۆلاری بە هۆی سووتانی بەشێك لە دارستان و ڕەشەبای بەهێزەوە پێگەیشتووە، لە هەندێك وڵاتی ئەفریقیاش بە هۆی زۆربوونی زیندەوەرە زیانبەخشەكانەوە، زیانی زیاتر لە هەشت ملیار دۆلار بەر ڕووەكەكان كەوتووە.

دامەزراوەكە لە ڕاپۆرتەكەیان ئەوەشیان خستووەتەڕوو لە هەندێك وڵاتی كیشوەری ئاسیادا نزیكەی دوو هەزار كەس بە هۆی با و بارانەوە گیانیان لەدەست داوە.