ل دهۆكێ پلانه‌ك بۆ پتر پێشڤه‌برنا گه‌شتوگوزارێ دهێته‌ دانان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ل دهۆكێ پلانه‌ك بۆ پتر پێشڤه‌برنا گه‌شتوگوزارێ دهێته‌ دانان

رێڤه‌به‌رێ گشتى یێ گه‌شتوگوزارێ ل پارێزگه‌ها دهۆكێ دیاركركو پلانه‌ك بۆ پتر پێشڤه‌برنا گه‌شتوگوزارێ دهێته‌ دانان. سالا‌ بۆریدا سه‌ره‌رایێ په‌تایا كۆرۆنایێ داهاتێ گه‌شتوگوزارێ گه‌هشته‌ نیڤ ملیار دیناران.

د. خه‌یرى عه‌لى ئۆسۆ، رێڤه‌به‌رێ گشتى یێ گه‌شتوگۆزارێ ل پارێزگه‌ها دهۆكێ بۆ (باسنیوز) راگه‌هاندكو: "سالا 2019ێ هه‌تا 500 هزار گه‌شتیاران قه‌ستا پارێزگه‌ها دهۆكێ كربوون، سالا 2020ێ سه‌ره‌رایێ په‌تایا كۆرۆنایێ 150 هزار گه‌شتیاران سه‌ره‌دانا جهێن گه‌شتوگوزارێ ل دهۆكێ كریه‌ و داهات ژى سالا 2019ێ گه‌هشتنه‌ كوژمێ ئێك ملیار دیناران، سالا 2020ێ ژبه‌ر نه‌خۆشیا كورۆنایێ داهاتێ گه‌شتوگوزارێ بوونه‌ نیڤ ملیار دینار كو هه‌تا 900 بنگه‌هێن گه‌شتیار هه‌نه‌، زێده‌تر 250 جهێن سرۆشتى یێن گه‌شتوگوزارێ هاتینه‌ دروستكرن".

ئاشكه‌را كركو: "دهۆك دشێت هه‌ر رۆژه‌كێ 150 هزار گه‌شتیاران حه‌وینت و هه‌تا 10 هزار كه‌سان ل جهێن گه‌شتوگوزارێ كار دكه‌ن، ژبه‌ر ڤى چه‌ندێ ئه‌م دبێژن گه‌شتوگوزارێ رێژا بێكاریێ كێم دكه‌ت وگه‌له‌ك خه‌لك تێدا ببنه‌ خۆدان كار، ئه‌ڤه‌ ژى تشته‌كێ گه‌له‌ك باش ده‌لیڤێن كاركرنێ په‌یدابن بۆ وه‌لاتیان".

زێده‌تر گۆت: "ژبه‌ر په‌تایا كۆرۆنایێ، ب كوژمێ چار ملیار دیناران زیان گه‌هشتیه‌ جهێن گه‌شتوگوزارێ ل دهۆكێ، ب تایبه‌تى ژى ئوتێل و موتێل و خوارنگه‌ه و جهێن دی یێن گه‌شتوگوزارێ".