ڕاپەڕین.. هەڵمەتێکی دیکەی چاندنی بەڕوو دەستپێدەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

ڕاپەڕین.. هەڵمەتێکی دیکەی چاندنی بەڕوو دەستپێدەکات

چالاکوان و ژینگەپارێزانی دەڤەری ڕاپەرین دەست بە هەڵمەتێکی دیکەی چاندنی بەڕوو لە بەرزاییەکانی دەڤەرەکە دەکەن.

سەلیم میراودەلی، چالاکوانی ژینگە، بە (باسنیوز)ی ڕاگەیاند: "گروپی هۆشیاری و پاراستنی ژینگەی ڕاپەڕین بە هەماهەنگی کۆمەڵێک ڕێکخراو و گروپی ژینگەی دەڤەرەکەمان چالاکییەکی فراوان ئەنجام دەدەین بە دروشمی ژینگە و ژیان کۆماندەکاتەوە، لە سەرەتای وەرزی نوێی چاندنی بەڕوو و مازوو و بادەم و دارە سروشتییەکان، هەڵدەستین بە چاندنی بەڕوو بۆ خزمەتی ژینگە و ژیانی دەڤەرەکەمان لە گوندی سەرسیان نزیک بازگەی دەربەند، بۆ ئەم مەبەستە داوا لە ژینگە پارێزان و چالاکوانان و ڕێکخراوەکانی کۆمەڵگەی مەدەنیی دەڤەرەکەمان دەکەین هاوکارمان بن و هەموومان بەیەکەوە بە ڕوواندنی بەڕوویەک، سەوزایی زیادبکەین".

گوتیشی: "وابڕیارە کە ڕۆژی هەینی هەڵمەتەکەمان دەستپێبکات و لە پلانماندایە کە زیاتر لە سێ هەزار بەڕوو بچێنین".