بە بەشداریی چەندین كۆمپانیا كۆڕبەندی گەشتیاری لە قەزای چۆمان ساز دەكرێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

بە بەشداریی چەندین كۆمپانیا كۆڕبەندی گەشتیاری لە قەزای چۆمان ساز دەكرێت

بەڕێوەبەری گەشتوگوزاری چۆمان، ڕای گەیاند بە مەبەستی زیاتر ناساندنی ناوچەكە و راكێشانی گەشتیار بۆ دەڤەری باڵەكایەتی، بڕیارە كۆڕبەندێكی گەشتیاری لە قەزای چۆمان بەڕێوە بچێت.

هەڵگورد محەمەد، بەڕێوەبەری گەشتوگوزاری چۆمان بە (باسنیوز)ی راگەیاند: "لە دەڤەری باڵەكایەتی چەندان ناوچەی گەشیاری و سەرەنجڕاكێش هەیە، بۆ ئەم مەبەستە بە ئامانجی ناساندنی شوێنە گەشتیارییەكانی دەڤەرەكە و بۆ راكێشانی سەرنجی گەشتیاران لەگەڵ لایەنە پەیوەندیدارەكان بڕیارمان داوە كۆڕبەندێكی گەشتیاری لە سەنتەری قەزای چۆمان ساز بكەین، هەوڵ دەین زۆرترین كۆمپانیای گەشتیاری بانگهێشت بكەین بۆ كۆربەندەكە و ئامانج لە بەستنی ئەم كۆڕبەندە راكێشانی زۆرترین گەشتیاری زستانەیە بۆ سنوورەكەمان".

ئەوەشی ئاشكرا كرد: "بڕیارە كۆڕبەندەكە لە ماوەیەكی نزیكدا ساز بكرێت كە ببێتە هۆكاری ئەوەی گەشتیاری زیاتر لە ڕێگای كۆمپانیا گەشتیارییەكانەوە لە شارەكانی ناوەڕاست و باشووری عێراق روو لە ناوچەكەمان بكەن".