نهۆمی دووەمی سەرای شوێنەواری كفری نۆژەن کرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

نهۆمی دووەمی سەرای شوێنەواری كفری نۆژەن کرایەوە

بەرپرسێك لە شوێنەواری گەمیان، ئەمڕۆ چوارشەممە ئاشكرای كرد بە هاوكاریی کۆمپانیای گازپرۆمی ڕووسی و شوێنەواری گەرمیان پرۆژەی پاراستن و نۆژەنکردنەوەی نهۆمی دووەمی سەرای شوێنەواری كفری کۆتایی پێ هاتووە.

ساڵح محەمەد، جێگری بەڕێوەبەری شوێنەوای گەرمیان، ئەمڕۆ چوارشەممە ١٦ی١٢ی٢٠٢٠ بە (باسنیوز)ی راگەیاند: "پرۆژەی پاراستن و نۆژەنکردنەوەی نهۆمی دووەمی سەرای شوێنەواری كفری كە ڕاستەوخۆ لەلایەن بەڕێوەبەرایەتیی شوێنەواری گەرمیان و بنكەی شوێنەواری كفری و كۆمپانیای گازپرۆمی رووسییەوە كاری تێدا كراوە، كۆتایی پێ هاتووە و چاككردنەوەی نهۆمی دووەمی دەبێتە هۆی پاراستنی لە داڕمان."

گوتیشی: "باڵاخانەی سەرای كفری مێژووی دروستكردنی بۆ زیاتر لە 100 ساڵ بەرلە ئێستا دەگەڕێتەوە و لەلایەن ئینگلیزەكانەوە دروست كراوە."

جێگری بەڕێوەبەری شوێنەواری گەرمیان، راشی گەیاند: "لە پلانماندایە بە هاوكاریی كۆمپانیاكان و خەمخۆرانی بواری شوێنەوار، ئەگەر بە تێچووی كەمیش بێت، شوێنەوارەكان لە فەوتان بپارێزین."

كۆمپانیای گازپرۆمی ڕووسی لە گەرمیان كار لە بواری برهەمهێنان و دەرهێنانی نەوت دەكات.