دوای ئەوەی لە چەند ڕۆژی ڕابردوودا لە شاری ڕانیە دووەمین فێستیڤاڵی شانۆیی ڕانیە بە بەشداریی١٠ گرووپ و تیپی شانۆیی شارەکانی ھەرێمی کوردستان بەڕێوە چوو، تێیدا چەندین بەرھەم و شانۆی نووسراون و ئەکتەرەکان نمایش کران، تیپی شانۆی دوکان توانی پلەی یەکەمی بەدەست بھێنێت.
گرووپی شانۆی دوکان لە فیستیڤاڵەکەدا بە نمایشکردنی شانۆی (پەیکەری ئاڵتونی) توانی سەرنجی ئامادەبوانی دیدارەکە بۆ لای خۆی ڕابکێشێت و پلەی یەکەم بەدەست بھێنێت و خەڵاتی بەڕێوەبەرایەتیی بنکەی ڕۆشنبیری و ھونەری ڕانیەی پێ بەخشرا.