سەدر هۆشداری دەدات لە سەركەوتنی گەندەڵەكان لە هەڵبژاردنی داهاتوودا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

سەدر هۆشداری دەدات لە سەركەوتنی گەندەڵەكان لە هەڵبژاردنی داهاتوودا

ئەمڕۆ دووشەممە موقتەدا سەدر ڕێبەری ڕەوتی سەدر هۆشداری دا گەلانی عێراق لەوەی جارێكی تریش گەندەڵەكان هەڵبژێرنەوە و بیانگەیەننەوە بە لوتكەی دەسەڵاتی وڵاتەكە.

سەدر لە نووسینێكی درێژدا كە ئەمڕۆ لە تویتەرەكەیدا بڵاوی كردووەتەوە، لە یەك كاتدا ڕەخنەی لە دەسەڵاتدارانی عێراق و هاووڵاتییانیش گرتووە، هۆشداریشی داوە كە گەلانی عێراق دیسان گەندەڵكاران بگەڕێننەوە سەر دەسەڵات.

سەدر هەروەها نووسیویەتی كە هەر كەسێك لە هەڵبژاردنی داهاتوودا بەشداری نەكات، ئەوا بەشدارە لە گەیشتنەوەی گەندەڵكاران بە دەسەڵات و بەشدارە لەم تاوانەدا.

ڕێبەری سەدرییەكانی عێراق ئەوەشی گوتووە كە ڕێگە نادەن چاكسازی سیاسی بە گەندەڵكاریی ئایینی و باوەڕداری بكرێت. هەروەها هێرشی كردە سەر خۆپیشاندەرانیش و نووسیویەتی ئەو كارە بێ مانایانەی لە خۆپیشاندانەكاندا دەیكەن پێچەوانەی شەریعەتی ئیسلام و یاسایە.

سەدر ڕەخنەی توندی لە خۆپیشاندەران گرتووە و زیاتر دەڵێ بە ناوی حوسێنەوە هوتاف لێ دەدەن، كەچی لەبیریان كردووە ئامانجی ئیمام حوسێن چاكسازی بوو، نەك زیانگەیاندن بە بەرژەوەندییەكانی گەل، نەك بۆ ڕێگری و دەستدرێژی بۆ سەر بژێوی خەڵك و بازاڕەكان و ژیان و خزمەتگوزارییەكان.