دانیشتنی رۆژی چوارشه‌ممەى په‌رله‌مانی کوردستان دواخرا
دانیشتنی ژماره 12ى ئاسایی په‌رله‌مانی کوردستان کە بڕیاربوو کاتژمێر 12ى نیوه‌ڕۆی رۆژی چوارشه‌ممه 2ی12ی2020 به‌ڕێوه‌بچێت، دواخرا.
لەمبارەیەوە منى نبى قه‌هوه‌چی، سكرتێری په‌رله‌مانی كوردستان، بە به‌ماڵپه‌ڕی فه‌رمیی په‌رله‌مانى راگه‌یاندووە: "ده‌سته‌ی سه‌رۆكایه‌تیی په‌رله‌مان نوسراوى ئاماده‌كردووه و ئاراسته‌ی سه‌رۆكایه‌تیی ئه‌نجوومه‌نی وه‌زیرانی هه‌رێمی كوردستان ده‌كرێت تاوه‌كو شاندی دانوستانكارى هه‌رێم و لایه‌نی په‌یوه‌ندیدارى حكوومه‌تی هه‌رێم، له‌دانیشتنێكی تایبه‌تی په‌رله‌مانی كوردستان ئاماده‌ببن، به‌مه‌به‌ستی گفتوگۆكردن له‌سه‌ر پرسی مووچه‌و شایسته داراییه‌كانی هه‌رێم و ره‌وشی گفتوگۆكان له‌گه‌ڵ حكومه‌تی فیدرال و پلان و ئاماده‌كارییه‌كانی حكومه‌تی هه‌رێم بۆ هه‌موو ئه‌گه‌ره‌كانی په‌یوه‌ست به‌ڕه‌وشی دارایى".
ئەمڕۆ دووشەممە سەرۆکی پەرلەمانی کوردستان ڕای گەیاند بڕیارە چوارشەممەی داهاتوو پەرلەمانی کوردستان، لەسەر دۆخی دارایی و مووچەی مووچەخۆرانی هەرێمی کوردستان کۆ ببێتەوە.
