"میلیشیاکان کەرکووکیان کردووە بە گەورەترین کۆگای هۆشبەر لە عێراق"
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتور و هونه‌ر
×

"میلیشیاکان کەرکووکیان کردووە بە گەورەترین کۆگای هۆشبەر لە عێراق"

ئەمڕۆ شەممە، چالاکوانێکی خەڵکی کەرکووک دوپاتی کردەوە، دەست بەسەر کۆگایەکی گەورەی هۆشبەرەکان لە کەرکووکدا گیرا، کە 14 مليۆن و 600 هەزار حەبی هۆشبەری تێدابوو. ئەمەش ئەوە ئەسەلمێنێ، کە میلیشیا چەکدارەکان کەرکووکیان کردووە بە گەورەترین کۆگا و رێگای گواستنەوەی هۆشبەر لە عێراق، ئەم بڕە زۆرەی حەبی هۆشبەر زۆرترین بڕی مادەی هۆشبەر بووە تا ئێستا دەستی بەسەردا گیرابێ.

محەمەد خالد بۆ (باسنیوز) رایگەیاند: ”میلیشیا چەکدارەکان کەرکووکیان کردووە بە گەورەترین کۆگای هۆشبەر و لەوێ دابەشی سەر پارێزگاکانی باکوور و رۆژئاوای دەکەن، ئەو میلیشیایانە هەژموونی خۆیان قۆستووەتەوە و لە رێی ئوتومبێلە حکوومییەکان ئەو ماددانە دێننە شارەکە و هەڵیدەگرن و دواتر بەسەر ناوچەکانی دیکەدا دابەشی دەکەن“.

روونیشی دەکاتەوە: ”دوای هاتنی ئەو ملیشیایانە بۆ کەرکووک، بڕ و جۆری ئەو هۆشبەرانە زۆر زیادی کردووە، بەتایبەت لەناو توێژی گەنجان، ئێستا کەرکووک نەک هەر رێگای گواستنەوەی هۆشبەرەکانە، بەڵکو بووە بە شوێنی بەکارهێنیش، هێزە ئەمنییەکانیش لە ترسی میلیشیاکان ناوێرن بازرگانیی هۆشبەرەکان قەدەغە بکەن“.